របៀបរស់នៅជាគ្រិស្តសាសនិក
តើអ្នកកំពុងទទួលប្រយោជន៍ពីអំណានគម្ពីរជាឯកសារសំឡេងឬទេ?
តើអំណានគម្ពីរជាឯកសារសំឡេងជាអ្វី? នេះគឺជាអំណានគម្ពីរពីសេចក្ដីបកប្រែពិភពលោកថ្មី ដែលបានត្រូវថតជាសំឡេង។ ឯកសារសំឡេងទាំងនេះកំពុងត្រូវរៀបចំបន្តិចម្ដងៗក្នុងភាសាច្រើនបំផុតតាមដែលអាចធ្វើបាន។ អ្វីដែលពិសេសជាងគេនៃអំណាននេះគឺវាមានសំឡេងតួផ្សេងៗ។ ពាក្យនីមួយៗបានត្រូវអានដោយសង្កត់សំឡេងនិងដោយបញ្ចូលអារម្មណ៍ត្រឹមត្រូវ ដែលអាចជួយឲ្យអ្នកស្ដាប់យល់អត្ថន័យនៃគម្ពីរច្បាស់លាស់។
តើបងប្អូនខ្លះបានទទួលប្រយោជន៍យ៉ាងដូចម្ដេចពីអំណានគម្ពីរជាឯកសារសំឡេង? បងប្អូនជាច្រើនចូលចិត្តស្ដាប់អំណាននេះជាទៀងទាត់ដោយសារវាធ្វើឲ្យបណ្ដាំរបស់ព្រះរស់រវើក។ ពួកគេមានអារម្មណ៍ថា ពេលឮសំឡេងតួផ្សេងៗ ពួកគេអាចស្រមៃឃើញព្រឹត្តិការណ៍ដែលបានកើតឡើងក្នុងគម្ពីរកាន់តែច្បាស់លាស់ ហើយពួកគេកាន់តែយល់នូវអ្វីដែលបានត្រូវកត់ទុក។ (សុភ. ៤:៥) បងប្អូនជាច្រើនមានអារម្មណ៍ថាការស្ដាប់អំណានគម្ពីរជាឯកសារសំឡេងបានជួយសម្រាលទុក្ខពួកគេពេលដែលពួកគេមានអារម្មណ៍ខ្វល់ខ្វាយ។—ចសព. ៩៤:១៩
ការឮបណ្ដាំរបស់ព្រះអាចមានឥទ្ធិពលយ៉ាងខ្លាំងមកលើជីវិតរបស់យើង។ (២ប្រ. ៣៤:១៩-២១) បើមានអំណានគម្ពីរជាឯកសារសំឡេងក្នុងភាសាដែលអ្នកអាចយល់បាន តើអ្នកអាចធ្វើឲ្យការស្ដាប់អំណាននេះក្លាយទៅជាផ្នែកមួយនៃការគោរពប្រណិប័តន៍របស់អ្នកឬទេ?
សូមទស្សនាវីដេអូការផលិតអំណានគម្ពីរជាឯកសារសំឡេង ឈុតខ្លី។ រួចឆ្លើយនឹងសំណួរដូចតទៅនេះ៖
តើអ្នកកោតស្ងើចអ្វីពីការផលិតអំណានគម្ពីរជាឯកសារសំឡេង?
