របៀបរស់នៅជាគ្រិស្តសាសនិក

តើអ្នកបានត្រៀមខ្លួនសម្រាប់ពេលមានវិបត្តិសេដ្ឋកិច្ចហើយឬនៅ?

លេង

យើងមិនតក់ស្លុតទេ ពេលឃើញព្រឹត្តិការណ៍ផ្សេងៗក្នុងពិភពលោកនេះធ្វើឲ្យមានវិបត្តិសេដ្ឋកិច្ច។ ហេតុអ្វី? ដោយសារយើងកំពុងរស់នៅចុងបញ្ចប់នៃគ្រាចុងក្រោយបង្អស់នេះ ហើយគម្ពីរបានព្រមានយើងថាកុំឲ្យមានសេចក្ដីសង្ឃឹមទៅលើ«ទ្រព្យដែលមិនទៀង»ឡើយ។ (១ធី. ៦:១៧; ២ធី. ៣:១) តើគំរូរបស់ស្ដេចយេហូសាផាតអាចបង្រៀនយើងអ្វីស្ដីអំពីការត្រៀមខ្លួនសម្រាប់ពេលមានវិបត្តិសេដ្ឋកិច្ច?

ពេលប្រឈមមុខនឹងការគំរាមកំហែងពីពួកសត្រូវ យេហូសាផាតបានទុកចិត្តលើព្រះយេហូវ៉ា។ (២ប្រ. ២០:៩-១២) គាត់ក៏បានជួយបណ្ដាជនឲ្យត្រៀមខ្លួនទុកជាមុន ដោយសង់បន្ទាយដ៏រឹងមាំ និងដាក់ទ័ពនៅក្នុងក្រុង។ (២ប្រ. ១៧:១, ២, ១២, ១៣) ដូចយេហូសាផាត យើងក៏គួរទុកចិត្តលើព្រះយេហូវ៉ា ហើយត្រៀមខ្លួនទុកជាមុនដើម្បីប្រឈមមុខនឹងគ្រាលំបាកដែរ។

តើយើងអាចធ្វើអ្វីដើម្បីត្រៀមខ្លួនសម្រាប់ពេលមានវិបត្តិសេដ្ឋកិច្ច?

ត្រៀមខ្លួនដោយពង្រឹងចំណងមិត្តភាពជាមួយព្រះយេហូវ៉ា៖ ចូររៀនឲ្យចេះស្កប់ចិត្ត និងពង្រឹងទំនុកចិត្តរបស់អ្នកទៅលើព្រះយេហូវ៉ាក្នុងការផ្គត់ផ្គង់សេចក្ដីត្រូវការប្រចាំថ្ងៃរបស់អ្នក។ (ម៉ាថ. ៦:២៦; ១ធី. ៦:៨) សូមតាំងចិត្តធ្វើតាមគោលការណ៍គម្ពីរជានិច្ចដើម្បីបំពេញសេចក្ដីត្រូវការទាំងនោះ។ (រ៉ូម ២:២១) បើគ្មានអគ្គិសនីឬអ៊ីនធឺណិត សូមគិតអំពីរបៀបដែលអ្នកអាចបន្តអានគម្ពីរនិងសៀវភៅផ្សេងៗដែលមានមូលដ្ឋានលើគម្ពីរ។ អ្នកអាចរក្សាទុកសៀវភៅខ្លះៗ ហើយបើអាចធ្វើបាន សូមថតចម្លងសៀវភៅផ្សេងៗជាប្រភេទអេឡិចត្រូនិកទុកជាមុន។

ត្រៀមខ្លួនខាងទ្រព្យសម្បត្តិ៖ សូមកាត់បន្ថយបំណុល និងចំណាយដែលមិនចាំបាច់មុនពេលមានបញ្ហាសេដ្ឋកិច្ច។ (សុភ. ២២:៧) បើអាចធ្វើបាន សូមរក្សាទុកអាហារនិងរបស់របរចាំបាច់ផ្សេងៗទៀតសមល្មម។ បងប្អូនខ្លះប្រហែលជាអាចដាំបន្លែដើម្បីជួយសន្សំលុយ។

សូមទស្សនាវីដេអូ តើអ្នកបានត្រៀមខ្លួនសម្រាប់គ្រោះមហន្តរាយឬទេ? រួចឆ្លើយសំណួរដូចតទៅនេះ៖