របៀបរស់នៅជាគ្រិស្ដសាសនិក
តើអ្នកនឹងរៀបចំសម្រាប់ពិធីរំលឹកយ៉ាងដូចម្ដេច?
ចាប់ផ្ដើមពីឆ្នាំនេះ យើងនឹងមានពេលច្រើនជាងដើម្បីរៀបចំសម្រាប់ពិធីរំលឹកមរណភាពរបស់គ្រិស្ដ។ ពេលពិធីរំលឹកធ្វើឡើងចំថ្ងៃច័ន្ទដល់ថ្ងៃសុក្រ នោះនឹងមិនមានកិច្ចប្រជុំកិច្ចបម្រើនិងជីវិតនៅសប្ដាហ៍នោះឡើយ។ ពេលពិធីរំលឹកធ្វើឡើងចំថ្ងៃសៅរ៍ឬថ្ងៃអាទិត្យ នោះនឹងមិនមានសុន្ទរកថាសាធារណៈនិងការសិក្សាទស្សនាវដ្ដីប៉មយាមទេ។ តើអ្នកនឹងប្រើពេលវេលាទាំងនោះឲ្យកើតប្រយោជន៍ច្រើនបំផុតឬទេ? ដូចនៅសតវត្សរ៍ទី១ដែរ គឺត្រូវមានការរៀបចំឲ្យបានល្អសម្រាប់ឱកាសដ៏ពិសេសនេះ។ (លូក. ២២:៧-១៣; km ៣/១៥ ទំ. ១) ប៉ុន្តែ មានអ្វីផ្សេងទៀតដែលយើងគួរធ្វើដើម្បីយើងអាចទទួលប្រយោជន៍ច្រើនបំផុតពីកម្មវិធីនេះ។ តើយើងអាចធ្វើដូច្នេះយ៉ាងដូចម្ដេច?
-
រំពឹងគិតអំពីសារៈសំខាន់នៃការចូលរួម។—១កូ. ១១:២៣-២៦
-
អធិដ្ឋាននិងគិតអំពីចំណងមិត្តភាពរបស់អ្នកជាមួយនឹងព្រះយេហូវ៉ា។—១កូ. ១១:២៧-២៩; ២កូ. ១៣:៥
-
អាននិងរំពឹងគិតអំពីបទគម្ពីរដែលរៀបរាប់អំពីអត្ថន័យនៃពិធីរំលឹក។—យ៉ូន. ៣:១៦; ១៥:១៣
អ្នកផ្សាយខ្លះអាននិងរំពឹងគិតអំពីអំណានគម្ពីរសម្រាប់ពិធីរំលឹកដែលមាននៅការពិនិត្យមើលបទគម្ពីរប្រចាំថ្ងៃ។ អ្នកខ្លះទៀតអានខគម្ពីរដែលមាននៅក្នុងតារាង។ រីឯអ្នកខ្លះទៀតរៀនសារឡើងវិញនូវអត្ថបទក្នុងទស្សនាវដ្ដីប៉មយាមដែលពិចារណាអំពីពិធីរំលឹក ព្រមទាំងសេចក្ដីស្រឡាញ់ដែលព្រះយេហូវ៉ានិងលោកយេស៊ូបានបង្ហាញចំពោះយើង។ ទោះជាអ្នកសិក្សាប្រធានបទណាក៏ដោយ សូមឲ្យព័ត៌មាននោះជួយអ្នកឲ្យចូលកាន់តែជិតព្រះយេហូវ៉ានិងបុត្ររបស់លោក។
