របៀបរស់នៅជាគ្រិស្តសាសនិក
តើអ្វីសំខាន់បំផុតសម្រាប់ខ្ញុំ?
យ៉ាកុបបោកចំបាប់ជាមួយទេវតាព្រោះតែរឿងដ៏សំខាន់មួយ ពោលគឺដើម្បីទទួលពរពីព្រះយេហូវ៉ា។ (លោ. ៣២:២៤-៣១; ហូ. ១២:៤, ៥) ចុះយើងវិញ? តើយើងសុខចិត្តខំអស់ពីសមត្ថភាពដើម្បីស្ដាប់បង្គាប់ព្រះយេហូវ៉ា ហើយដើម្បីទទួលពរពីលោកឬទេ? ជាឧទាហរណ៍ បើយើងត្រូវជ្រើសរើសរវាងការចូលរួមកិច្ចប្រជុំនិងការធ្វើការថែមម៉ោង តើយើងនឹងសម្រេចចិត្តជ្រើសរើសមួយណា? បើយើងឲ្យព្រះយេហូវ៉ានូវពេលវេលា កម្លាំង និងធនធានរបស់យើង នោះលោកនឹងចាក់‹ពរមកលើយើង ដែលនឹងគ្មានកន្លែងល្មមទុកបានទេ›។ (ម៉ាឡ. ៣:១០) លោកនឹងណែនាំ ហើយការពារយើងព្រមទាំងផ្ដល់ឲ្យយើងនូវអ្វីៗដែលយើងត្រូវការ។—ម៉ាថ. ៦:៣៣; ហេ. ១៣:៥
សូមទស្សនាវីដេអឈុតសម្ដែងចូរកុំឲ្យអ្វីបង្វែរអារម្មណ៍អ្នកពីការសម្រេចគោលដៅក្នុងការបម្រើព្រះ ហើយក្រោយមកឆ្លើយសំណួរដូចតទៅនេះ៖
-
តើបងស្រីបានត្រូវល្បងលដោយសារអ្វីដែលគាត់ស្រឡាញ់យ៉ាងដូចម្ដេច?
-
តើតាមរបៀបណាការងាររបស់យើងគឺដូចជាការល្បងលមួយសម្រាប់យើង?
-
ហេតុអ្វីបានជាធីម៉ូថេត្រូវរក្សាការពារគោលដៅរបស់គាត់សូម្បីតែគាត់បានធំលូតលាស់ក្នុងសេចក្ដីពិតហើយក៏ដោយ?—១ធី. ៤:១៦
-
តើយើងបង្ហាញយ៉ាងដូចម្ដេចថា អ្វីជា«កិច្ចការចម្បង»របស់យើង?