របៀបរស់នៅជាគ្រិស្តសាសនិក
ចូរបង្ហាញសេចក្ដីស្រឡាញ់ក្នុងក្រុមគ្រួសារ
សេចក្ដីស្រឡាញ់គឺដូចជាជ័រស្អិតដែលទាញភ្ជាប់សមាជិកម្នាក់ៗក្នុងក្រុមគ្រួសារជាមួយគ្នា។ បើគ្មានសេចក្ដីស្រឡាញ់ ក្រុមគ្រួសារនឹងពិបាកមានសាមគ្គីភាព ហើយក៏ពិបាកសហការជាមួយគ្នាផងដែរ។ តើតាមរបៀបណាប្ដីប្រពន្ធនិងឪពុកម្ដាយអាចបង្ហាញសេចក្ដីស្រឡាញ់ក្នុងក្រុមគ្រួសារ?
ប្ដីដែលប្រកបដោយសេចក្ដីស្រឡាញ់នឹងយកចិត្តទុកដាក់ចំពោះសេចក្ដីត្រូវការ ទស្សនៈនិងអារម្មណ៍របស់ប្រពន្ធ។ (អេភ. ៥:២៨, ២៩) គាត់នឹងផ្គត់ផ្គង់ក្រុមគ្រួសាររបស់គាត់ខាងផ្លូវកាយនិងខាងជំនឿ ដែលរួមបញ្ចូលការធ្វើការគោរពប្រណិប័តន៍ជាក្រុមគ្រួសារជាទៀងទាត់។ (១ធី. ៥:៨) ប្រពន្ធដែលប្រកបដោយសេចក្ដីស្រឡាញ់នឹងចុះចូលចំពោះប្ដីរបស់គាត់ ហើយបង្ហាញការ‹គោរពយ៉ាងជ្រាលជ្រៅ›។ (អេភ. ៥:២២, ៣៣; ១ពេ. ៣:១-៦) ប្ដីប្រពន្ធត្រូវស្ម័គ្រចិត្តអភ័យទោសឲ្យគ្នាទៅវិញទៅមកដោយគ្មានល័ក្ខខ័ណ្ឌ។ (អេភ. ៤:៣២) ឪពុកម្ដាយដែលប្រកបដោយសេចក្ដីស្រឡាញ់បង្ហាញការយកចិត្តទុកដាក់ចំពោះកូនម្នាក់ៗ ហើយបង្រៀនពួកគេឲ្យស្រឡាញ់ព្រះយេហូវ៉ា។ (ចោ. ៦:៦, ៧; អេភ. ៦:៤) តើកូនៗជួបការពិបាកណាខ្លះនៅសាលា? តើពួកគេយកឈ្នះការបង្ខិតបង្ខំយ៉ាងដូចម្ដេច? ពេលដែលក្រុមគ្រួសារពោរពេញទៅដោយសេចក្ដីស្រឡាញ់ សមាជិកម្នាក់ៗក្នុងក្រុមគ្រួសារនឹងមានអារម្មណ៍ថាមានសុវត្ថិភាពនិងសន្តិភាព។
សូមទស្សនាវីដេអូចូរបង្ហាញសេចក្ដីស្រឡាញ់ដែលមិនចេះសាបសូន្យក្នុងក្រុមគ្រួសារ រួចឆ្លើយសំណួរដូចតទៅនេះ៖
-
តើតាមរបៀបណាប្ដីដែលប្រកបដោយសេចក្ដីស្រឡាញ់ចិញ្ចឹមនិងស្រឡាញ់ថ្នាក់ថ្នមប្រពន្ធរបស់គាត់?
-
តើតាមរបៀបណាប្រពន្ធដែលប្រកបដោយសេចក្ដីស្រឡាញ់បង្ហាញការគោរពយ៉ាងជ្រាលជ្រៅចំពោះប្ដីរបស់គាត់?
-
តើតាមរបៀបណាឪពុកម្ដាយដែលប្រកបដោយសេចក្ដីស្រឡាញ់ធ្វើឲ្យបណ្ដាំរបស់ព្រះដិតជាប់ក្នុងចិត្តរបស់កូន?
