ភាសាអត្ថបទ

ការប្រើប្រាស់ព័ត៌មានផ្ទាល់ខ្លួន សម្រាប់ប្រទេសហុងគ្រី

ព័ត៌មានបានត្រូវកែជាថ្មី ថ្ងៃទី២៦ ខែកក្កដា ឆ្នាំ២០២៣

អត្ថបទអំពីការប្រើប្រាស់ព័ត៌មានផ្ទាល់ខ្លួននេះ គឺដើម្បីពន្យល់អំពីគោលបំណងនិងវិធីដែលសាក្សីព្រះយេហូវ៉ាប្រមូល និងប្រើប្រាស់ព័ត៌មានផ្ទាល់ខ្លួនរបស់អ្នកផ្សព្វផ្សាយ។ ណាមួយទៀត នេះក៏ប្រាប់អំពីសិទ្ធិរបស់អ្នកផ្សព្វផ្សាយទាក់ទងនឹងព័ត៌មានផ្ទាល់ខ្លួនរបស់ពួកគាត់ដែរ។ នៅក្នុងអត្ថបទនេះ ពាក្យ«អ្នក» ឬ«របស់អ្នក» សំដៅទៅលើអ្នកផ្សាយដែលមិនទាន់ទទួលការជ្រមុជទឹក ឬបានទទួលការជ្រមុជទឹកជាសាក្សីព្រះយេហូវ៉ា។ a សាក្សីព្រះយេហូវ៉ាប្រើព័ត៌មានផ្ទាល់ខ្លួនរបស់ពួកគាត់ ដើម្បីដំណើរការនិងគ្រប់គ្រងកិច្ចការដែលទាក់ទងនឹងសាសនា រួមទាំងសកម្មភាពសាសនារបស់សាក្សីព្រះយេហូវ៉ា។

សាក្សីព្រះយេហូវ៉ាមានសកម្មភាពនៅទូទាំងផែនដី។ ដូច្នេះ នៅក្នុងអត្ថបទនេះ ពាក្យ«អង្គការសាសនា» «របស់យើង» ឬ«យើង» សំដៅទៅលើអង្គការសាសនាសាក្សីព្រះយេហូវ៉ាទូទាំងពិភពលោក ឬស្ថាប័ន សាជីវកម្ម ឬអង្គភាពដែលសាក្សីព្រះយេហូវ៉ាប្រើ។ នេះរួមបញ្ចូល ក្រុមជំនុំ ការិយាល័យសាខា និងការរៀបចំផ្សេងទៀតរបស់សាក្សីព្រះយេហូវ៉ា។ ស្ថាប័ន សាជីវកម្ម ឬអង្គភាពណាមួយនឹងគ្រប់គ្រងព័ត៌មានផ្ទាល់ខ្លួនរបស់អ្នក អាស្រ័យទៅលើអ្វីដែលអ្នកបានផ្ដល់ឲ្យយើង។ The Church of Jehovah’s Witnesses in Hungary គឺជាអ្នកគ្រប់គ្រងព័ត៌មានផ្ទាល់ខ្លួនរបស់អ្នកផ្សព្វផ្សាយក្នុងក្រុមជំនុំនៃប្រទេសហុងគ្រី។

ដូចបានរៀបរាប់ក្នុងសៀវភៅអង្គការមួយដើម្បីធ្វើតាមបំណងប្រាថ្នាព្រះយេហូវ៉ា ពេលអ្នកក្លាយទៅជាអ្នកផ្សព្វផ្សាយ យើងប្រមូលព័ត៌មានផ្ទាល់ខ្លួនដោយផ្ទាល់ពីអ្នក ពីប្រភពព័ត៌មានសាធារណៈ ឬពីប្រភពផ្សេងទៀត។ ដូច្នេះ អ្នកអាចចូលរួមក្នុងសកម្មភាពសាសនាដែលទាក់ទងនឹងការគោរពប្រណិប័តន៍ព្រះ និងទទួលការលើកទឹកចិត្តដែលជួយពង្រឹងជំនឿរបស់អ្នក។—ពេត្រុសទី១ ៥:២

ប្រសិនបើអ្នកមានសំណួរឬចម្ងល់ទាក់ទងនឹងការប្រើប្រាស់ព័ត៌មានផ្ទាល់ខ្លួនរបស់អ្នក ឬចង់ទាក់ទងទៅផ្នែកការពារទិន្នន័យ សូមផ្ញើអ៊ីម៉ែលទៅអាសយដ្ឋានខាងក្រោម៖

DataProtectionOfficer.HU@jw.org។

អ្នកនឹងឃើញព័ត៌មានបន្ថែមអំពីការប្រើប្រាស់ព័ត៌មានផ្ទាល់ខ្លួនរបស់អ្នកដូចខាងក្រោម។

ព័ត៌មានផ្ទាល់ខ្លួនដែលយើងប្រមូលអំពីអ្នក

អ្នកបានស្ម័គ្រចិត្តផ្ដល់ឲ្យយើងនូវព័ត៌មានភាគច្រើនដែលយើងប្រមូល និងប្រើប្រាស់ដើម្បីដំណើរការ និងគ្រប់គ្រងសកម្មភាពសាសនារបស់សាក្សីព្រះយេហូវ៉ា។ ដូច្នេះ អ្នកនឹងឃើញយ៉ាងច្បាស់នូវព័ត៌មានផ្ទាល់ខ្លួនរបស់អ្នកដែលយើងបានប្រមូលនិងប្រើប្រាស់ មានដូចជា៖

ព័ត៌មានទូទៅ ដូចជាឈ្មោះ ថ្ងៃខែឆ្នាំកំណើត និងភេទ។
ព័ត៌មានសម្រាប់ទាក់ទង ដូចជាអាសយដ្ឋានផ្ទះ អ៊ីម៉ែល លេខទូរស័ព្ទ និងព័ត៌មានទំនាក់ទំនងពេលមានអាសន្ន។
ព័ត៌មានអំពីជំនឿ ដូចជាថ្ងៃខែទទួលការជ្រមុជទឹក ភារកិច្ចក្នុងក្រុមជំនុំឬក្នុងអង្គការរបស់ព្រះ «អ្នកដែលបានត្រូវរើសតាំង» ឬ«ចៀមឯទៀត» សកម្មភាពផ្សព្វផ្សាយ ស្ថានភាពជំនឿនិងកាលបរិច្ឆេទ ព្រមទាំងព័ត៌មានផ្សេងទៀតទាក់ទងនឹងអ្វីដែលអ្នកធ្វើក្នុងក្រុមជំនុំ។

ព័ត៌មានផ្ទាល់ខ្លួនដែលយើងប្រមូលពីអ្នក ក៏អាចរួមបញ្ចូលព័ត៌មានជាក់លាក់ថែមទៀតដូចជា ដើមកំណើតជនជាតិ និងជំនឿសាសនារបស់អ្នកជាដើម។

គោលបំណងនិងមូលដ្ឋានច្បាប់ក្នុងការប្រើប្រាស់ព័ត៌មានផ្ទាល់ខ្លួនរបស់អ្នក

គោលការណ៍របស់យើងគឺប្រមូលតែព័ត៌មានចាំបាច់ដែលយើងត្រូវការ និងដើម្បីដំណើរការស្របច្បាប់ប៉ុណ្ណោះ។

នៅពេលអ្នកចាប់ផ្ដើមធ្វើជាអ្នកផ្សព្វផ្សាយ យើងនឹងប្រមូលហើយប្រើប្រាស់ព័ត៌មានផ្ទាល់ខ្លួនរបស់អ្នកដោយស្របច្បាប់ ក្នុងបំណងចាត់ចែងសកម្មភាពសាសនានៃសាក្សីព្រះយេហូវ៉ា ដើម្បីអ្នកអាចចូលរួមក្នុងរឿងដែលទាក់ទងនឹងការគោរពប្រណិប័តន៍ព្រះ និងទទួលការលើកទឹកចិត្តដែលជួយពង្រឹងជំនឿរបស់អ្នក។ ពេលយើងប្រើទិន្នន័យណាមួយដែលបង្ហាញព័ត៌មានជាក់លាក់របស់អ្នកដូចជា ជំនឿសាសនារបស់អ្នក នោះយើងនឹងដំណើរការព័ត៌មាននេះដោយប្រុងប្រយ័ត្ន ហើយក្រៅពីអង្គការសាក្សីព្រះយេហូវ៉ា យើងនឹងមិនបង្ហាញព័ត៌មាននេះដល់អ្នកផ្សេងទៀតឡើយ បើគ្មានការយល់ព្រមពីអ្នក។ មុននឹងប្រើព័ត៌មានផ្ទាល់ខ្លួនរបស់អ្នក យើងនឹងពិចារណា ហើយថ្លឹងថ្លែងពីផលប៉ះពាល់ដែលអាចកើតមានទៅលើអ្នក និងសិទ្ធិរបស់អ្នក។

យើងក៏អាចប្រើប្រាស់ព័ត៌មានផ្ទាល់ខ្លួនរបស់អ្នកដើម្បីអនុវត្តទៅតាមអ្វីដែលច្បាប់តម្រូវផងដែរ។ ក្នុងករណីបន្ទាន់ឬមានអាសន្ន យើងអាចប្រើព័ត៌មានផ្ទាល់ខ្លួនរបស់អ្នកដើម្បីការពារប្រយោជន៍របស់អ្នកឬអ្នកឯទៀត។

ជាទូទៅ យើងមិនចាំបាច់សុំការយល់ព្រមពីអ្នកទេ ដោយសារយើងបានត្រូវអនុញ្ញាតឲ្យប្រើប្រាស់ព័ត៌មាននោះដោយស្វ័យប្រវត្តិយោងលើច្បាប់ជាធរមាន។ ប៉ុន្តែ យើងផ្អែកលើការយល់ព្រមរបស់អ្នក នៅពេលដែលអ្នកបានផ្ដល់ការយល់ព្រមច្បាស់លាស់ក្នុងដំណើរការព័ត៌មានផ្ទាល់ខ្លួនរបស់អ្នក។ ការប្រើប្រាស់ព័ត៌មានផ្ទាល់ខ្លួនរបស់កុមារឬអនីតិជន ត្រូវមានការយល់ព្រមពីឪពុកម្ដាយឬអាណាព្យាបាលស្របច្បាប់។

តារាងខាងក្រោមបង្ហាញពីរបៀបដែលយើងប្រើព័ត៌មានផ្ទាល់ខ្លួនរបស់អ្នក និងផ្អែកទៅលើច្បាប់សម្រាប់ការធ្វើដូច្នេះ។ បើអ្នកត្រូវការព័ត៌មានថែមទៀត សូមទាក់ទងទៅផ្នែកការពារទិន្នន័យក្នុងតំបន់របស់អ្នក តាមអាសយដ្ឋានខាងលើ។

គោលបំណង និង/ឬសកម្មភាព	ប្រភេទព័ត៌មាន	ច្បាប់សម្រាប់ប្រើប្រាស់ព័ត៌មាន	ការតម្កល់ទុក
ការរក្សារបាយការណ៍សកម្មភាពផ្សព្វផ្សាយ	ព័ត៌មានទូទៅ ព័ត៌មានអំពីជំនឿ ព័ត៌មានជាក់លាក់៖ ជំនឿសាសនា	ផលប្រយោជន៍ស្របច្បាប់៖ ការចាត់ចែងនិងដំណើរការសកម្មភាពសាសនារបស់សាក្សីព្រះយេហូវ៉ា	អ្នកផ្សព្វផ្សាយសកម្ម៖ ឆ្នាំកិច្ចបម្រើបច្ចុប្បន្ននិងពីមុន អ្នកផ្សព្វផ្សាយអសកម្ម៖ ឆ្នាំចុងក្រោយនៃកិច្ចបម្រើផ្សាយ ព័ត៌មានអំពីអ្នកដែលលែងជាសាក្សីព្រះយេហូវ៉ាមិនបានត្រូវរក្សាទុកទៀត ចំណាំ៖ ឆ្នាំកិច្ចបម្រើរាប់ចាប់ពីខែកញ្ញាដល់ខែសីហា
ការចូលរួមកិច្ចប្រជុំ កិច្ចការស្ម័គ្រចិត្ត ឬគម្រោងរបស់សាក្សីព្រះយេហូវ៉ា	ព័ត៌មានទូទៅ សម្រាប់សកម្មភាពឬគម្រោងខ្លះ៖ ព័ត៌មានទំនាក់ទំនង និងព័ត៌មានមួយចំនួនអំពីជំនឿ ព័ត៌មានជាក់លាក់៖ ជំនឿសាសនា	ផលប្រយោជន៍ស្របច្បាប់៖ ការចាត់ចែងនិងដំណើរការសកម្មភាពសាសនារបស់សាក្សីព្រះយេហូវ៉ា	ព័ត៌មានអំពីអ្នកចូលរួមកិច្ចប្រជុំមិនបានត្រូវតម្កល់ទុកទេ រក្សាទុកព័ត៌មានឲ្យបានយូរតាមដែលចាំបាច់ សម្រាប់កិច្ចការស្ម័គ្រចិត្តឬគម្រោងដែលអ្នកចូលរួម
បំពេញភារកិច្ចឬតួនាទីក្នុងក្រុមជំនុំ (ឈ្មោះ ភារកិច្ច ឬតួនាទីរបស់អ្នកអាចត្រូវបង្ហាញនៅក្នុងក្រុមជំនុំ ឬករណីខ្លះបង្ហាញក្នុងអង្គការសាសនា ឬនៅលើក្ដារព័ត៌មាន ឬគ្រឿងអេឡិចត្រូនិកដែលស្របទៅតាមច្បាប់ការពារទិន្នន័យ)	ព័ត៌មានទូទៅ ព័ត៌មានមួយចំនួនអំពីជំនឿ៖ ភារកិច្ចឬតួនាទីក្នុងក្រុមជំនុំ ឬក្នុងអង្គការសាក្សីព្រះយេហូវ៉ា ព័ត៌មានជាក់លាក់៖ ជំនឿសាសនា	ផលប្រយោជន៍ស្របច្បាប់៖ ការចាត់ចែងនិងដំណើរការសកម្មភាពសាសនារបស់សាក្សីព្រះយេហូវ៉ា	កាលវិភាគកិច្ចប្រជុំក្រុមជំនុំនឹងត្រូវរក្សាទុក រហូតដល់មានកាលវិភាគថ្មី ក្រុមជំនុំទុកព័ត៌មានថ្មីៗអំពីបុគ្គលម្នាក់ៗក្នុងក្រុមផ្សព្វផ្សាយ រក្សាទុកឲ្យបានយូរបំផុតតាមដែលចាំបាច់សម្រាប់គោលបំណងនិងភារកិច្ចឬតួនាទី
អ្នកចាស់ទុំនៃសាក្សីព្រះយេហូវ៉ាមើលថែរក្សាចៀមរបស់ព្រះ	ព័ត៌មានទូទៅ ព័ត៌មានទំនាក់ទំនង ព័ត៌មានអំពីជំនឿ ព័ត៌មានជាក់លាក់៖ ជំនឿសាសនា	ផលប្រយោជន៍ស្របច្បាប់៖ ការចាត់ចែងនិងដំណើរការសកម្មភាពសាសនារបស់សាក្សីព្រះយេហូវ៉ា (សកម្មភាព ២០:២៨; យ៉ាកុប ៥:១៤, ១៥)	លិខិតឧទ្ទេសនាមនឹងត្រូវរក្សាទុកស្របតាមគោលការណ៍នៃការតម្កល់ទុក រក្សាទុកឲ្យបានយូរបំផុតតាមដែលត្រូវការសម្រាប់គោលបំណង
ការប្រើប្រាស់ព័ត៌មានទំនាក់ទំនងពេលមានអាសន្ន	ព័ត៌មានទូទៅ ព័ត៌មានទំនាក់ទំនង	ផលប្រយោជន៍របស់អ្នកផ្សព្វផ្សាយ៖ អ្នកផ្សព្វផ្សាយបានផ្ដល់ព័ត៌មានចាំបាច់សម្រាប់ទាក់ទងក្នុងករណីមានរឿងអាសន្ន។	រក្សាទុកដរាបណាអ្នកផ្សព្វផ្សាយបន្តនៅក្នុងក្រុមជំនុំ
សកម្មភាពផ្សេងទៀតដែលយើងយល់ថាសំខាន់សម្រាប់រក្សាទុក សម្រាប់ដំណើរការ ឬសម្រាប់ចាត់ចែងសកម្មភាពសាសនារបស់សាក្សីព្រះយេហូវ៉ា ឬតាមតម្រូវការច្បាប់ (ក្នុងករណីបែបនេះ អ្នកនឹងទទួលការជូនដំណឹងមុនពេលព័ត៌មានផ្ទាល់ខ្លួនរបស់អ្នកបានត្រូវប្រើប្រាស់)	ព័ត៌មានទូទៅ ព័ត៌មានទំនាក់ទំនង ព័ត៌មានអំពីជំនឿ ព័ត៌មានជាក់លាក់៖ ជំនឿសាសនា	ផលប្រយោជន៍ស្របច្បាប់៖ ការចាត់ចែងនិងដំណើរការសកម្មភាពសាសនារបស់សាក្សីព្រះយេហូវ៉ា ឬ កាតព្វកិច្ចខាងផ្លូវច្បាប់ ឬ ការយល់ព្រម	រក្សាទុកឲ្យបានយូរបំផុតតាមដែលចាំបាច់សម្រាប់គោលបំណង ឬតាមតម្រូវការច្បាប់

ការតម្កល់ទុក

យើងរក្សាទុកព័ត៌មានផ្ទាល់ខ្លួនឲ្យបានយូរបំផុត តាមដែលចាំបាច់សម្រាប់គោលបំណងដែលបានរៀបរាប់ក្នុងផ្នែក «គោលបំណងនិងមូលដ្ឋានច្បាប់ក្នុងការប្រើប្រាស់ព័ត៌មានផ្ទាល់ខ្លួនរបស់អ្នក» ដែលរៀបរាប់នៅខាងលើ។

ដើម្បីកំណត់រយៈពេលរក្សាទុកសមរម្យសម្រាប់ព័ត៌មានផ្ទាល់ខ្លួន យើងពិនិត្យមើលតម្រូវការច្បាប់ដែលអាចអនុវត្តបានដោយផ្អែកលើចំនួន ប្រភេទ និងភាពប្រែប្រួលនៃព័ត៌មានផ្ទាល់ខ្លួន ដូចជាហានិភ័យដែលបណ្ដាលមកពីការប្រើប្រាស់ព័ត៌មានផ្ទាល់ខ្លួនដោយគ្មានការអនុញ្ញាត ឬការបង្ហាញព័ត៌មានផ្ទាល់ខ្លួនរបស់អ្នកជាដើម។ យើងក៏ពិនិត្យមើលទៅលើគោលបំណងដែលយើងប្រើប្រាស់ព័ត៌មានផ្ទាល់ខ្លួនរបស់អ្នក ហើយមើលថាតើយើងអាចសម្រេចគោលបំណងទាំងនោះតាមវិធីផ្សេងទៀតឬយ៉ាងណា។

រយៈពេលនៃការរក្សាទុកព័ត៌មានផ្ទាល់ខ្លួនអាចផ្លាស់ប្ដូរទៅតាមប្រទេស ឬតាមសេចក្ដីសម្រេចរបស់តុលាការ ហើយបានត្រូវអនុវត្តតាមច្បាប់តម្កល់ទុកព័ត៌មាន។ ព័ត៌មានផ្ទាល់ខ្លួនក៏អាចត្រូវរក្សាទុកក្នុងរយៈពេលយូរជាងដែរ បើនោះជាការតម្រូវដោយច្បាប់ឬបទបញ្ញត្តិ និងដើម្បីបញ្ជាក់ អនុវត្ត ឬការពារសិទ្ធិស្របច្បាប់របស់យើង។

ក្នុងស្ថានភាពខ្លះ យើងប្រហែលជាមិនបង្ហាញថានេះជាព័ត៌មានផ្ទាល់ខ្លួនរបស់អ្នកទេ។ ដូច្នេះ ព័ត៌មាននេះមិនបានត្រូវភ្ជាប់ឈ្មោះរបស់អ្នកឡើយ។ ជាឧទាហរណ៍ បើចង់ដឹងចំនួនសរុបអំពីរឿងណាមួយ។ ក្នុងករណីដូចនេះ យើងអាចប្រើព័ត៌មានរបស់អ្នកច្រើនដងដោយមិនចាំបាច់ជូនដំណឹងដល់អ្នកឡើយ ដោយសារគ្មានព័ត៌មានផ្ទាល់ខ្លួនរបស់អ្នក។

ប្រសិនបើអ្នកចង់ដឹងថែមទៀតអំពីរយៈពេលរក្សាទុកព័ត៌មានផ្ទាល់ខ្លួនរបស់អ្នក សូមទាក់ទងផ្នែកការពារទិន្នន័យក្នុងប្រទេសរបស់អ្នក ដោយប្រើអាសយដ្ឋានខាងលើ។

ការផ្ទេរព័ត៌មានផ្ទាល់ខ្លួន

សាក្សីព្រះយេហូវ៉ាធ្វើសកម្មភាពទូទាំងផែនដី។ នេះតម្រូវឲ្យយើងផ្ទុកព័ត៌មានខ្លះនៅក្នុងប្រព័ន្ធមួយនៅកន្លែងណាមួយ ដូចជាសេវាបច្ចេកវិទ្យាព័ត៌មានសម្រាប់ផ្ដល់ដល់អង្គភាពនានារបស់យើង។ សាជីវកម្មឬអង្គភាពមួយចំនួនដែលសាក្សីព្រះយេហូវ៉ាប្រើ អាចចូលមើលឬទាញយកព័ត៌មានតាមតម្រូវការសម្រាប់គោលបំណងដែលបានរៀបរាប់នៅក្នុងសៀវភៅអង្គការមួយដើម្បីធ្វើតាមបំណងប្រាថ្នាព្រះយេហូវ៉ា។ ជាឧទាហរណ៍ ពេលអ្នកសម្រេចចិត្តដូរក្រុមជំនុំ ព័ត៌មានផ្ទាល់ខ្លួនរបស់អ្នក (ព័ត៌មានទូទៅ ព័ត៌មានសម្រាប់ទាក់ទង និងព័ត៌មានអំពីជំនឿ) នឹងត្រូវផ្ទេរទៅក្រុមជំនុំថ្មីរបស់អ្នក។ ក្នុងករណីខ្លះ ការិយាល័យសាខារបស់សាក្សីព្រះយេហូវ៉ាប្រចាំប្រទេស អាចប្រើព័ត៌មានផ្ទាល់ខ្លួនរបស់អ្នក ដើម្បីឲ្យអ្នកអាចចូលរួមយ៉ាងពេញលេញក្នុងសកម្មភាពសាសនានៅក្រុមជំនុំថ្មីរបស់អ្នក និងដើម្បីជួយអង្គការរបស់យើងរក្សាទុកកំណត់ត្រាថ្មីជានិច្ច។ នេះអាចរួមបញ្ចូលទាំងការផ្ទេរព័ត៌មានទៅប្រទេសដែលមិនមែនជាសមាជិកនៃសហភាពអឺរ៉ុប European Union (EU)/ តំបន់សេដ្ឋកិច្ចអឺរ៉ុប European Economic Area (EEA) ឬទៅប្រទេសដែលគ្មានច្បាប់ជាក់លាក់សម្រាប់ការពារទិន្នន័យផ្ទាល់ខ្លួន។

ពេលព័ត៌មានផ្ទាល់ខ្លួនបានត្រូវផ្ទេរនៅក្នុងអង្គការសាក្សីព្រះយេហូវ៉ា នោះយើងនឹងប្រើវិធានការការពារ និងមានការប្រុងប្រយ័ត្នតាមផ្លូវច្បាប់ ដើម្បីធានានូវសុវត្ថិភាព និងដោយគិតដល់ព័ត៌មានផ្ទាល់ខ្លួនរបស់អ្នក។ ពេលយើងប្រមូលព័ត៌មានផ្ទាល់ខ្លួនរបស់អ្នកនៅក្នុង EU/EEA នឹងមិនត្រូវផ្ញើទៅខាងក្រៅ EU/EEA ទេ លើកលែងតែ

អ្នកដែលទទួលគឺនៅក្នុងប្រទេសដែលមានច្បាប់ស្មើគ្នានឹងច្បាប់ការពារទិន្នន័យផ្ទាល់ខ្លួនរបស់អ្នក និង/ឬ
នៅក្រោមកិច្ចព្រមព្រៀងរបស់សហភាពអឺរ៉ុបក្នុងការផ្ទេរព័ត៌មានផ្ទាល់ខ្លួនទៅកាន់ប្រព័ន្ធឬទៅក្រៅEU/EEA (ដូចមានចែងក្នុងកិច្ចសន្យាដែលទទួលស្គាល់ដោយគណៈកម្មាធិការអឺរ៉ុប) និង/ឬ
មានការយល់ព្រមពីអ្នក។

សុវត្ថិភាពព័ត៌មាន

អង្គការយើងរក្សាសុវត្ថិភាពនិងការសម្ងាត់នៃព័ត៌មានដែលយើងបានទទួល។ ការចូលមើលព័ត៌មានបែបនេះមានកម្រិត ហើយមានគោលការណ៍ និងវិធីដែលបានត្រូវបង្កើតឡើងដើម្បីការពារព័ត៌មានពីការបាត់បង់ ការប្រើខុស និងការបង្ហាញដោយមិនត្រឹមត្រូវ។

យើងប្រើវិធានការបច្ចេកវិទ្យា និងរបៀបរៀបចំក្នុងអង្គការរបស់យើង ដើម្បីធានាថាទិន្នន័យឬព័ត៌មានរបស់អ្នកមានសុវត្ថិភាពពីហានិភ័យនានា។ វិធានការដែលអង្គការរបស់យើងប្រើ គឺសមស្របតាមតម្រូវការក្នុងការប្រើព័ត៌មានរបស់អ្នក។ ដំណាលគ្នានោះ យើងពិចារណាអំពីវិធានការដែលទំនើបបំផុត ហើយត្រូវចំណាយលុយប៉ុន្មាន វិធីប្រើប្រាស់ វិសាលភាព កាលៈទេសៈ និងគោលបំណង ព្រមទាំងហានិភ័យផ្សេងៗដែលអាចកើតឡើងទៅលើសិទ្ធិ និងសេរីភាពរបស់បុគ្គលម្នាក់ៗ។ វិធានការទាំងនេះមានដូចជា៖

ការគ្រប់គ្រងលើការចូលមើល ការរក្សាការសម្ងាត់ និងភាពត្រឹមត្រូវនៃព័ត៌មាន
សុវត្ថិភាពទំនាក់ទំនងនិងប្រតិបត្តិការ
ការក្លែងបន្លំ ការលាក់ និងការបិទបាំងព័ត៌មានផ្ទាល់ខ្លួន
ការធ្វើតេស្តនិងការវាយតម្លៃទៅលើប្រសិទ្ធភាពនៃវិធានការបច្ចេកវិទ្យានិងការរៀបចំ ដើម្បីធានាថាព័ត៌មានរបស់អ្នកបានត្រូវដំណើរការដោយសុវត្ថិភាព។

យើងធានាថាបុគ្គលដែលមានសិទ្ធិចូលប្រើប្រាស់ ឬចូលមើលជាទៀងទាត់នូវព័ត៌មានផ្ទាល់ខ្លួន ឬអ្នកដែលចូលរួមក្នុងដំណើរការព័ត៌មានទាំងនេះបានត្រូវបណ្ដុះបណ្ដាល និងជូនដំណឹងអំពីសិទ្ធិនិងទំនួលខុសត្រូវរបស់ពួកគេ។

ការបង្ហាញព័ត៌មានផ្ទាល់ខ្លួន

យើងអាចចែករំលែកព័ត៌មានផ្ទាល់ខ្លួនរបស់អ្នកនៅក្នុងករណីដូចខាងក្រោម៖

បើនេះស្របតាមគោលបំណងដែលបានរៀបរាប់នៅក្នុងផ្នែក«គោលបំណងនិងមូលដ្ឋានច្បាប់ក្នុងការប្រើប្រាស់ព័ត៌មានផ្ទាល់ខ្លួនរបស់អ្នក»។ នេះរួមបញ្ចូលការចែករំលែកព័ត៌មានរបស់អ្នកនៅក្នុងអង្គការរបស់យើង
បើច្បាប់តម្រូវ
បើយើងជឿជាក់ថាការធ្វើដូច្នេះគឺសមត្រឹមត្រូវដើម្បីការពារសិទ្ធិ ទ្រព្យសម្បត្តិ និងសុវត្ថិភាពរបស់យើង
បើចាំបាច់ក្នុងការអនុវត្តតាមផ្លូវច្បាប់ តាមបង្គាប់តុលាការ ឬតាមកាតព្វកិច្ចផ្លូវច្បាប់ផ្សេងទៀត ឬតាមបទបញ្ញត្តិ ឬតាមការស្នើសុំរបស់រដ្ឋាភិបាល ឬ
បើយើងបានទទួលការយល់ព្រមពីអ្នក។

ភាគីទី៣ដែលជាអ្នកទទួលព័ត៌មានផ្ទាល់ខ្លួនរបស់អ្នក រួមមាន៖

អង្គភាពត្រួតពិនិត្យ
តុលាការ ប៉ូលិស និងភ្នាក់ងារអនុវត្តច្បាប់
អ្នកផ្ដល់សេវានិងការគាំទ្រ

សិទ្ធិរបស់អ្នកដែលទាក់ទងនឹងព័ត៌មានផ្ទាល់ខ្លួន

អ្នកប្រហែលជាមានសិទ្ធិមួយចំនួនក្រោមច្បាប់ប្រទេសរបស់អ្នក ទាក់ទងនឹងព័ត៌មានផ្ទាល់ខ្លួនដែលអ្នកបានផ្ដល់ឲ្យយើង។ សិទ្ធិទាំងនេះប្រហែលជារួមបញ្ចូល៖

សិទ្ធិទទួលបានការជូនដំណឹងអំពីការប្រើព័ត៌មានផ្ទាល់ខ្លួនរបស់អ្នក។ អ្នកមានសិទ្ធិទទួលបានការជូនដំណឹងអំពីរបៀបដែលយើងប្រើប្រាស់ និងចែករំលែកព័ត៌មានផ្ទាល់ខ្លួនរបស់អ្នក។
សិទ្ធិចូលមើលព័ត៌មានផ្ទាល់ខ្លួន។ អ្នកមានសិទ្ធិទទួលបានការបញ្ជាក់ថាយើងកំពុងដំណើរការព័ត៌មានផ្ទាល់ខ្លួនរបស់អ្នក និងសិទ្ធិចូលប្រើប្រាស់ព័ត៌មានផ្ទាល់ខ្លួនរបស់អ្នក។
សិទ្ធិកែតម្រូវព័ត៌មានផ្ទាល់ខ្លួនដែលមិនត្រឹមត្រូវ។ អ្នកមានសិទ្ធិកែតម្រូវទិន្នន័យផ្ទាល់ខ្លួនដែលមិនត្រឹមត្រូវឬខ្វះចន្លោះ។ ជាឧទាហរណ៍ អ្នកចង់ផ្លាស់ប្ដូរព័ត៌មានសម្រាប់ទាក់ទងជាដើម។
សិទ្ធិក្នុងការលុបព័ត៌មានផ្ទាល់ខ្លួនក្នុងករណីជាក់លាក់។ សិទ្ធិនេះបានត្រូវហៅថា«សិទ្ធិបំភ្លេចចោល»។ នេះមិនមានន័យថាអ្នកមានសិទ្ធិក្នុងការស្នើសុំលុបចោលព័ត៌មានផ្ទាល់ខ្លួនទាំងអស់របស់អ្នកនោះទេ។ យើងនឹងពិចារណាដោយប្រុងប្រយ័ត្នចំពោះសំណើនីមួយៗរបស់អ្នកស្របតាមច្បាប់។
សិទ្ធិដកការយល់ព្រម។ បើយើងដំណើរការព័ត៌មានផ្ទាល់ខ្លួនរបស់អ្នកដោយផ្អែកលើការយល់ព្រមរបស់អ្នក នោះអ្នកមានសិទ្ធិដកការយល់ព្រមនៅពេលណាក៏បាន។ ជាទូទៅ យើងមិនចាំបាច់សុំការយល់ព្រមពីអ្នកទេ ដោយសារយើងបានត្រូវអនុញ្ញាតឲ្យប្រើប្រាស់ព័ត៌មាននោះដោយស្វ័យប្រវត្តិយោងលើច្បាប់ជាធរមាន។
សិទ្ធិក្នុងការរឹតបន្តឹងការប្រើប្រាស់ព័ត៌មានផ្ទាល់ខ្លួនក្នុងស្ថានភាពជាក់លាក់មួយចំនួន។ អ្នកមានសិទ្ធិធ្វើដូច្នេះ ក្នុងករណី ១-ប្រសិនបើអ្នករកឃើញថាព័ត៌មានផ្ទាល់ខ្លួនរបស់អ្នកមានភាពមិនត្រឹមត្រូវ។ ២-បើអ្នកជំទាស់ចំពោះរបៀបប្រើព័ត៌មាននោះ។ ៣-ការប្រើព័ត៌មានផ្ទាល់ខ្លួនគឺខុសច្បាប់ ប៉ុន្តែអ្នកមិនចង់ឲ្យយើងលុបព័ត៌មានផ្ទាល់ខ្លួនរបស់អ្នកទេ គ្រាន់តែចង់រឹតបន្តឹងទៅលើការប្រើប្រាស់ប៉ុណ្ណោះ។ ៤-យើងលែងត្រូវការរក្សាទុកព័ត៌មានផ្ទាល់ខ្លួនរបស់អ្នក តែអ្នកចង់រក្សាទុកដើម្បីប្ដឹង ដើម្បីតវ៉ា ឬដើម្បីការពារខ្លួនតាមផ្លូវច្បាប់។
សិទ្ធិក្នុងការផ្ទេរព័ត៌មានផ្ទាល់ខ្លួន។ សិទ្ធិក្នុងការផ្ទេរនេះអនុវត្តតែក្នុងករណីដែលមានការយល់ព្រមពីអ្នក ឬក្នុងករណីដែលព័ត៌មានផ្ទាល់ខ្លួនត្រូវតែអនុវត្តដូចដែលមានបញ្ជាក់ក្នុងកិច្ចសន្យា ហើយវិធីដំណើរការនោះគឺធ្វើឡើងដោយមធ្យោបាយស្វ័យប្រវត្តិ។
សិទ្ធិជំទាស់ចំពោះការប្រើប្រាស់ព័ត៌មានផ្ទាល់ខ្លួនក្នុងស្ថានភាពជាក់លាក់មួយចំនួន។ ទោះជាយើងប្រើប្រាស់ព័ត៌មានផ្ទាល់ខ្លួនរបស់អ្នកដោយផ្អែកលើផលប្រយោជន៍ច្បាប់ក៏ដោយ អ្នកមានសិទ្ធិជំទាស់ចំពោះការប្រើប្រាស់នេះ។

អ្នកអាចអនុវត្តសិទ្ធិរបស់អ្នកដោយទាក់ទងផ្នែកការពារទិន្នន័យ ដោយប្រើអាសយដ្ឋាននៅខាងលើ។

យើងប្រហែលត្រូវស្នើសុំព័ត៌មានជាក់លាក់ពីអ្នក ដើម្បីផ្ទៀងផ្ទាត់ជាមួយនឹងអត្តសញ្ញាណរបស់អ្នក និងដើម្បីធានាថាអ្នកមានសិទ្ធិក្នុងការចូលមើលព័ត៌មានផ្ទាល់ខ្លួនរបស់អ្នក (ឬដើម្បីប្រើប្រាស់សិទ្ធិផ្សេងទៀត)។ វិធានការសុវត្ថិភាពនេះជាការធានាថាព័ត៌មានផ្ទាល់ខ្លួនរបស់អ្នកមិនបានត្រូវបញ្ចេញឬបង្ហាញដល់បុគ្គលដែលគ្មានសិទ្ធិទទួលនោះឡើយ។ យើងក៏ប្រហែលជាសុំព័ត៌មានបន្ថែមដែលទាក់ទងនឹងសំណើរបស់អ្នកផងដែរ ដើម្បីយើងអាចបំពេញតាមសំណូមពររបស់អ្នក។

ប្រសិនបើអ្នកបារម្ភថាសាក្សីព្រះយេហូវ៉ាបំពានលើច្បាប់ការពារព័ត៌មានផ្ទាល់ខ្លួន ឬបទបញ្ញត្តិផ្សេងទៀត អ្នកអាចទាក់ទងទៅផ្នែកការពារទិន្នន័យដោយប្រើអាសយដ្ឋានខាងលើ។ ផ្នែកការពារទិន្នន័យនឹងធ្វើការស៊ើបអង្កេត ហើយពិចារណាសំណើរបស់អ្នក រួចនឹងជម្រាបប្រាប់អ្នកឲ្យដឹងពីដំណោះស្រាយរឿងនោះ។ បន្ថែមទៀត អ្នកមានសិទ្ធិប្ដឹងទៅផ្នែកដែលទទួលខុសត្រូវលើការការពារព័ត៌មានផ្ទាល់ខ្លួនដើម្បីអនុវត្តតាមច្បាប់ក្នុងប្រទេសដែលអ្នករស់នៅ ឬកន្លែងដែលមានការបំពានច្បាប់លើរឿងនោះ ឬមួយដាក់ពាក្យបណ្ដឹងទៅតុលាការដែលមានសមត្ថកិច្ច។

ការកែប្រែនៅក្នុងសេចក្ដីជូនដំណឹងនេះ

ម្ដងម្កាល សាក្សីព្រះយេហូវ៉ាអាចកែប្រែការអនុវត្តលើព័ត៌មានផ្ទាល់ខ្លួន អាស្រ័យទៅលើការផ្លាស់ប្ដូរសកម្មភាពសាសនារបស់អង្គការយើង ឬការផ្លាស់ប្ដូរច្បាប់ ឬបច្ចេកវិទ្យា។ ប្រសិនបើមានការផ្លាស់ប្ដូរចំពោះទំព័រការប្រើប្រាស់ព័ត៌មានផ្ទាល់ខ្លួន នោះយើងនឹងជូនដំណឹងអំពីការផ្លាស់ប្ដូរនោះនៅលើទំព័រនេះ ដើម្បីឲ្យអ្នកផ្សព្វផ្សាយដឹងអំពីព័ត៌មានដែលយើងបានប្រមូល និងរបៀបដែលយើងប្រើព័ត៌មានទាំងនោះ។ សូមឧស្សាហ៍ពិនិត្យមើលទំព័រនេះដើម្បីដឹងថាមានការផ្លាស់ប្ដូរអ្វីខ្លះ។

a អ្នកផ្សព្វផ្សាយគឺជាអ្នកដែលចូលរួមធ្វើកិច្ចការជាមួយនឹងក្រុមជំនុំនៃសាក្សីព្រះយេហូវ៉ា ដើម្បីផ្សព្វផ្សាយដំណឹងល្អអំពីរាជាណាចក្ររបស់ព្រះ។