តើសាក្សីព្រះយេហូវ៉ាជាគ្រិស្តសាសនិកទេ?

លេង

យើងជាគ្រិស្តសាសនិកមែន។ មូលហេតុមានដូចតទៅនេះ៖

យើងខំធ្វើតាមឲ្យបានដិតដល់នូវសេចក្ដីបង្រៀននិងការប្រព្រឹត្តរបស់លោកយេស៊ូគ្រិស្ត។—ពេត្រុសទី១ ២:២១
យើងជឿថាលោកយេស៊ូជាផ្លូវទៅសេចក្ដីសង្គ្រោះ ហើយថា«នៅក្រោមមេឃ គ្មាននាមណាផ្សេងទៀតដែលព្រះបានផ្ដល់ក្នុងចំណោមមនុស្សជាតិឲ្យយើងរាល់គ្នាទទួលសេចក្ដីសង្គ្រោះទេ»។—សកម្មភាព[កិច្ចការ] ៤:១២
ពេលដែលមនុស្សទទួលសេចក្ដីសង្គ្រោះជាសាក្សីព្រះយេហូវ៉ាម្នាក់ ពួកគេទទួលការជ្រមុជទឹកដោយនូវនាមលោកយេស៊ូគ្រិស្ត។—ម៉ាថាយ ២៨:១៨, ១៩
យើងអធិដ្ឋានដោយនូវនាមលោកយេស៊ូ។—យ៉ូហាន ១៥:១៦
យើងជឿថាលោកយេស៊ូជាប្រមុខឬអ្នកដែលបានត្រូវតែងតាំងឲ្យមានអំណាចលើបុរសទាំងឡាយ។—កូរិនថូសទី១ ១១:៣

ក៏ប៉ុន្តែមានអ្វីជាច្រើនដែលធ្វើឲ្យយើងខុសប្លែកពីសាសនាឯទៀតដែលហៅថាគ្រិស្តសាសនា។ ជាឧទាហរណ៍ យើងជឿថាគម្ពីរបង្រៀនអំពីលោកយេស៊ូថាលោកជាបុត្ររបស់ព្រះ មិនមែនជាព្រះបីអង្គរួមគ្នាតែមួយទេ។ (ម៉ាកុស ១២:២៩) យើងមិនជឿថាព្រលឹងគឺអមតៈឡើយ ក៏មិនជឿថាបទគម្ពីរមានទីសម្អាងដែលបញ្ជាក់ថាព្រះធ្វើទារុណកម្មមនុស្សជារៀងរហូតក្នុងស្ថាននរកដែរ។ យើងមិនជឿថាអ្នកដែលចូលរួមសកម្មភាពសាសនាផ្សេងៗគួរមានងារពិសេសដែលធ្វើឲ្យពួកគេខ្ពង់ខ្ពស់ជាងអ្នកឯទៀត។—សាស្ដា ៩:៥; អេសេគាល ១៨:៤; ម៉ាថាយ ២៣:៨-១០