ហេតុអ្វីសាក្សីព្រះយេហូវ៉ាមិនព្រមចាក់បញ្ចូលឈាម?
អ្វីដែលមនុស្សជាច្រើនយល់ច្រឡំ
រឿងមិនពិត: សាក្សីព្រះយេហូវ៉ាមិនជឿថាគ្រូពេទ្យអាចជួយពួកគេបានទេ ដូច្នេះហើយពួកគេមិនស្វែងរកការព្យាបាលឡើយ។
រឿងពិត: យើងស្វែងរកការព្យាបាលល្អបំផុតសម្រាប់ខ្លួនយើងនិងក្រុមគ្រួសាររបស់យើង។ នៅពេលយើងមានបញ្ហាសុខភាព យើងទៅជួបគ្រូពេទ្យជំនាញដើម្បីទទួលការព្យាបាលនិងវះកាត់ដែលមិនប្រើឈាម។ យើងសប្បាយចិត្តដែលគ្រូពេទ្យបានរកឃើញបច្ចេកវិទ្យាទំនើបក្នុងការព្យាបាល។ តាមពិត ការព្យាបាលដោយមិនប្រើឈាមមិនគ្រាន់តែបានជួយអ្នកជំងឺដែលជាសាក្សីប៉ុណ្ណោះទេ តែសព្វថ្ងៃនេះការព្យាបាលដូចនេះក៏បានត្រូវផ្ដល់ជាប្រយោជន៍ដល់មនុស្សទាំងអស់ក្នុងសង្គមដែរ។ នៅបណ្ដាប្រទេសជាច្រើន អ្នកជំងឺណាក៏ដោយអាចសម្រេចចិត្តជៀសវាងពីការព្យាបាលណាដែលអាចបង្ខូចសុខភាពដោយការចាក់បញ្ចូលឈាម ដូចជាជំងឺមេរោគក្នុងឈាម (blood-borne) ជំងឺប្រព័ន្ធការពារក្នុងខ្លួនចុះខ្សោយ (immune-system reactions) និងការវិនិច្ឆ័យរោគខុសជាដើម។
រឿងមិនពិត: សាក្សីព្រះយេហូវ៉ាជឿថា ជំនឿអាចជួយព្យាបាលជំងឺ។
រឿងពិត: យើងមិនធ្វើការព្យាបាលដោយកម្លាំងនៃជំនឿទេ។
រឿងមិនពិត: ការមិនចាក់បញ្ចូលឈាម គឺត្រូវចំណាយលុយច្រើនណាស់។
រឿងពិត: ការព្យាបាលដែលមិនចាក់បញ្ចូលឈាមមិនសូវចំណាយលុយច្រើនទេ។ a
រឿងមិនពិត: សាក្សីព្រះយេហូវ៉ាជាច្រើននាក់ រួមទាំងកូនក្មេង ស្លាប់ជារៀងរាល់ឆ្នាំ ដោយសារពួកគេមិនព្រមចាក់បញ្ចូលឈាម។
រឿងពិត: ការអះអាងនេះគ្មានមូលដ្ឋានទាល់តែសោះ។ ជារឿយៗ គ្រូពេទ្យធ្វើការវះកាត់តាមវិធីដ៏ស្មុគស្មាញដោយមិនចាក់បញ្ចូលឈាមទេ ដូចជាការវះកាត់បេះដូង សន្លាក់ឆ្អឹង និងផ្លាស់ប្ដូរសរីរាង្គខាងក្នុងជាដើម។ b អ្នកជំងឺរួមបញ្ចូលកូនក្មេងដែលមិនទទួលការចាក់បញ្ចូលឈាម ជាធម្មតាពួកគេមានសុខភាពល្អជាងអ្នកដែលចាក់បញ្ចូលឈាម។ c យ៉ាងណាមិញ គ្មានបុគ្គលណាម្នាក់អាចនិយាយយ៉ាងច្បាស់ថា អ្នកជំងឺម្នាក់នឹងត្រូវស្លាប់ដោយសារមិនព្រមទទួលឈាម ឬក៏រស់ដោយសារព្រមទទួលឈាមនោះទេ។
ហេតុអ្វីសាក្សីព្រះយេហូវ៉ាមិនចាក់បញ្ចូលឈាម?
នេះទាក់ទងនឹងរឿងជំនឿសាសនាជាជាងរឿងព្យាបាល។ ក្នុងគម្ពីរសញ្ញាចាស់និងសញ្ញាថ្មីមានសេចក្ដីបង្គាប់យ៉ាងចំៗឲ្យយើងជៀសវាងពីឈាម។ (លោកុប្បត្តិ ៩:៤; លេវីវិន័យ ១៧:១០; ចោទិយកថា ១២:២៣; សកម្មភាព ១៥:២៨, ២៩) បន្ថែមទៀត ព្រះចាត់ទុកថាឈាមជាជីវិត។ (លេវីវិន័យ ១៧:១៤) ហេតុនេះហើយ យើងជៀសវាងពីការប្រើឈាមមិនគ្រាន់តែជាការស្ដាប់បង្គាប់ព្រះប៉ុណ្ណោះទេ តែនេះមកពីការគោរពលោកដែលជាអ្នកផ្ដល់ជីវិត។
ការផ្លាស់ប្ដូរទស្សនៈ
ការវះកាត់ដែលស្មុគស្មាញអាចសម្រេចបានដោយមិនចាក់បញ្ចូលឈាម
ធ្លាប់មានពេលមួយ គ្រូពេទ្យជាច្រើនបានចាត់ទុកការព្យាបាលដែលមិនព្រមចាក់បញ្ចូលឈាម ឬហៅថាឱសថដែលគ្មានឈាម ថាជាការព្យាបាលដែលមិនសមហេតុផលទាល់តែសោះ គឺជាការព្យាបាលដែលមានគ្រោះថ្នាក់បំផុត។ ប៉ុន្តែនៅពេលថ្មីៗនេះ ទស្សនៈនេះបានត្រូវផ្លាស់ប្ដូរ។ ជាឧទាហរណ៍ នៅឆ្នាំ២០០៤ អត្ថបទមួយដែលបានបោះពុម្ពផ្សាយក្នុងទស្សនាវដ្ដីខាងការអប់រំផ្នែកវេជ្ជសាស្ត្របានបញ្ជាក់ថា៖«បច្ចេកវិទ្យាជាច្រើនដែលអ្នកជំងឺជាសាក្សីព្រះយេហូវ៉ាបានប្រើនឹងក្លាយទៅជាមូលដ្ឋាននៃការអនុវត្តផ្នែកវិជ្ជាពេទ្យនាពេលអនាគត»។ d អត្ថបទមួយទៀតក្នុងទស្សនាវដ្ដីHeart, Lung and Circulation បានប្រាប់ថាក្នុងឆ្នាំ២០១០‹ការវះកាត់ដែលមិនប្រើឈាមមិនគួរមានចំពោះតែសាក្សីព្រះយេហូវ៉ាទេ ប៉ុន្តែគួរជាផ្នែកដ៏សំខាន់ពេលដែលត្រូវធ្វើការវះកាត់ប្រចាំថ្ងៃ›។
នៅសព្វថ្ងៃនេះ ទូទាំងពិភពលោកគ្រូពេទ្យរាប់ពាន់នាក់ប្រើបច្ចេកវិទ្យាដោយមិនចាក់បញ្ចូលឈាមដើម្បីធ្វើការវះកាត់ដែលស្មុគស្មាញ។ ជាឧទាហរណ៍ ការព្យាបាលដោយមិនប្រើឈាមបានត្រូវប្រើនៅបណ្ដាប្រទេសដែលកំពុងអភិវឌ្ឍន៍ ហើយអ្នកជំងឺជាច្រើនដែលមិនមែនជាសាក្សីព្រះយេហូវ៉ាក៏បានសុំការព្យាបាលដូចនេះដែរ។
a សូមមើលTransfusion and Apheresis Science, Volume 33, No. 3, p. 349.
b សូមមើលThe Journal of Thoracic and Cardiovascular Surgery, Volume 134, No. 2, pp. 287-288; Texas Heart Institute Journal, Volume 38, No. 5, p. 563; Basics of Blood Management, p. 2; and Continuing Education in Anaesthesia, Critical Care & Pain, Volume 4, No. 2, p. 39.
c សូមមើលThe Journal of Thoracic and Cardiovascular Surgery, Volume 89, No. 6, p. 918; and Heart, Lung and Circulation, Volume 19, p. 658.
d Continuing Education in Anaesthesia, Critical Care & Pain, Volume 4, No. 2, page 39.
លោកអ្នកក៏ប្រហែលជាចូលចិត្តដែរ
សំណួរដែលមនុស្សជាច្រើនសួរអំពីសាក្សីព្រះយេហូវ៉ា
តើសាក្សីព្រះយេហូវ៉ាព្រមទទួលការព្យាបាលទេ?
មនុស្សខ្លះគិតថា សាក្សីព្រះយេហូវ៉ាបដិសេធការព្យាបាលទាំងអស់។ តើនេះជារឿងពិតទេ?
សំណួរនិងចម្លើយពីគម្ពីរ
តើគ្រិស្តសាសនិកអាចទទួលការព្យាបាលខាងពេទ្យទេ?
តើជម្រើសរបស់យើងខាងការព្យាបាលគឺសំខាន់ទេចំពោះព្រះ?
ពាក្យផ្ដើមសម្រាប់កិច្ចបម្រើផ្សាយ
សាក្សីព្រះយេហូវ៉ា តើយើងជាអ្នកណា?
មនុស្សជាច្រើនចង់ដឹងអំពីសាក្សីព្រះយេហូវ៉ាថាជានរណា។ សូមស្វែងយល់ថែមទៀតពីសាក្សីព្រះយេហូវ៉ាផ្ទាល់តែម្ដង។
