O Jimbangi ja Jihova alonga o Bibidya mu ukexilu ki ubhonza kutendela ihi ilonga o Bibidya. O kudilonga kuku kwa Bibidya kwanda kukwatekesa:

•   Kukala ni mwenyu wazediya

•   Kukala udikamba dya Nzambi

•   Kudilonga ihi ikanena o Bibidya yalungu ni hádya

Mu mbandu yiyi wandasangamu

•  Kyebhi kyene mu longa o Bibidya?

•  Kubhinga kufuta kikuxi phala kudilonga o Bibidya?

•  Ithangana ikuxi ibhanga mu kudilonga o Bibidya?

•  Ihi ingabhingi kubhanga phala kumateka kudilonga o Bibidya?

•  O kwila ngitena kufikisa kudilonga o disá dya dyanga?

•  Se ngixikina kudilonga o Bibidya, o kwila ngatokala kukituka mbangi ya Jihova?

•  O kwila ngitena kutanga mu Bibidya yami?

•  O kwila ngitena kwixana athu engi phala kukala neme mu kudilonga o Bibidya?

•  Se m’ukulu ngadilongele kya o Bibidya ni Jimbangi ja Jihova? O kwila ngitena kudilonga dingi?

•  O kwila ngitena kudilonga o Bibidya ubheka wami sé o kikwatekesu kya Mbangi ya Jihova?

 Mbangi imoxi ya Jihova yanda kukwatekesa kudilonga o Bibidya bhukaxi ka madyambu. Ni kikwatekesu dya divulu Sanguluka Katé Kuhádya ni Hádya! Eye wandaya ni kudilonga bhofele bhofele ihi ilonga o Bibidya ni kyebhi yene itena kukukwatekesa. Phala kudilonga dingi kyebhi o kima kiki kibhita, tala o vidyu yakayela.

 Kikubhingi kitadi. O Jimbangi ja Jihova amukayela o kitendelesu kyabhana Jezú ku maxibulu mê: “Enu mwa tambula mu kingoho, bhanenu mu kingoho.” (Matesu 10:8) O kyamukwa we, eye ki ubhingi kufuta kima phala o madivulu, katé mwene o Bibidya ni divulu Sanguluka Katé Kuhádya ni Hádya!

 O divulu dyoso dyala ni 60 a madisá. Athu avulu awabhela kudilonga disá dimoxi mba madisá kusemana, maji mukidi eye usola.

1.  1. Soneka o kamukanda mu internete. Yoso iwanda soneka bhobho yandakala ngó phala kukwatekesa o Mbangi ya Jihova kukuxinda.

2.  2. Mbangi ya Jihova wanda sota kukusanga. Mwene wanda kujimbulula ihi ibhita mukudilonga o Bibidya ni kukukatula o jiphata joso ji ukala naju.

3.  3. Kiyadi kyenu mutena kudibhakana se kyebhi kimwandaya ni kudilonga. Enu mutena kudilonga pholo ni pholo mba bhukaxi kamutelembe, vidyu konferesya, email, mba mail. O madisá atena kutenesa ola mukudilonga. Maji ene atena kubhanga dingi ithangana, mba kana, kabasa o ukexilu u usola.

 Xé utena. Phala kubhanga kiki soneka mu kamukanda kala mu internete. Kyoso o Mbangi ya Jihova kyandakuxinda, mu jimbulule kwila eye wamesena kufikisa kudilonga phala kumona se wanda kiwabhela. Mwene wanda dilonga neye mu kadivulu Sanguluka Katé Kuhádya ni Hádya!, kene kala ni madisá atatu phala kukukwatekesa kumona se eye wandawabhela kudilonga o Bibidya.

 Kana. O Jimbangi ja Jihova awabhela kyavulu kulonga o Bibidya ku athu, maji etu kitwene mujijidika muthu kwiza mu ngeleja yetu. Muveji dya kiki, etu ni kuxila kwoso tulondekesa ihi ilonga o Bibidya, twejiya kwila kala muthu wala ni ufolo wakusola mu ima yatokala kuxikina.—1 Phetele 3:15.

 Xé utena. Eye utena kutanga mu Bibidya yoso yoso iwamesena. Etu twawabhela kyavulu kutanga mu Bibidya Tradução do Novo Mundo da Bíblia Sagrada mukonda yene kiyabhonzo ku itendela. Maji twejiya kwila athu avulu awabhela kutanga Jibibidya jengi.

 Xé utena. Eye utena kusola muthu watokala kumwiji wé mba kamba dyé phala kumwixana na dibundu kumoxi neye mu kudilonga o Bibidya.

 Xé utena. Mukidi, eye wanda wabhela mukwijiya kwila kindala twala ni divulu dya ubhe phala kudilonga o Bibidya. O divulu didi adibhange mu kuxinganeka mu ibhindamu ya athu a izuwa yalelu. Dyene dyala ni jifoto ni jividyu javulu jibhangesa o muthu kuwabhela kudilonga o Bibidya.

 Xé utena. Avulu amono kwila atendela dingi kyambote ni kikwatekesu kya muthu wengi. Maji amoxi asola kumateka kudilonga ubheka wá. Se kyene kiwamesena, tala o mbandu Ajudas para Estudar a Bíblia. O kuku sayi dingi ima yengi iwandasangamu:

•   Curso da Bíblia On-line. O kursu yiyi yandakukwatekesa kusanga o itambwijlu ya ibhwidisu yalungu ni mwenyu, kala: Nzambi nanyi? Mukonda dyahi kwene hadi ni kuyibha? O kwila Nzambi wandazubha o hadi ni kuyibha?

•   Vídeos da Bíblia. O jividyu jiji jene jofele, jijimbulula o milongi ya Bibidya.

•   Ibhwidisu ya Bibidya Yo Tambwijile. O mbandu yiyi yene ilondekesa o itambwijilu ya Bibidya ya ibhwidisu.

•   Textos Bíblicos Explicados. Sota kwijiya o dilombolwelu dya jivelusu ja Bibidya jejiya dingi o athu.