Jezú wambela o maxibulu mê: “Mwa kà ngi kalela jimbangi, . . . katé ni ku maxokololo ma jixi.” (Ikalakalu 1:8) Lelu, o Jimbangi ja Jihova amukumbidila o kikalakalu kiki ni kuswina kwoso. Maji sayi hanji jimbandu javulu mu ixi, mwatungu-mu athu avulu, o njimbu yambote ki yabhixilamu luwa. Sayi jixi, mwala ngó aboki ofele. (Matesu 9:37, 38) Ihi itwamubhanga phala kusanga athu avulu?

 Phala kukwatekesa kukumbidila o kitumu kya Jezú, o Kibuka kya Sidivisu kya Kibuka kya Utuminu kya Jimbangi ja Jihova, kyatumikisa akunji a jixi jengi ku mundu woso mu ididi mwabhindamena aboki. Mu kithangana kiki, kwala kya 3.090 a akunji a jixi jengi ku mundu woso. a Avulu ene mwalonga mu jixikola ja Bibidya kala o Xikola Phala o Akunji a Utuminu. O akunji enyá ala polondo phala kuxisa o mabhata mâ, phala kuya mu jixi jengi. Mukonda dya kukula kwâ mu nzumbi, o ilongesu yatambula ni mukonda dya uhete wâ, o jiphange jiji jafiyele ene mu kwatekesa kusanzumuna o njimbu yambote ni kubhana phangu yambote ku maxibulu a ubhe.

 Mu jifiliyale joso, o Kibuka ya Ministros em Campo, kya Kibuka kya Sidivisu kikalakala kumoxi ni Kibuka kya Filiyale phala kulanga o ibhindamu ya akunji a jixi jengi, kala, kididi phala kutungamu, kulanga o sawidi, ni kakitadi phala kusumba ima yamukwa. Ku muvu wa sidivisu wa 2020, o Jimbangi ja Jihova angastala $27 milhões a jidolale, (17,631,000,000 a jikwanza) phala kulanga o ibhindamu ya akunji. Mukonda dya kikwatekesu kiki, o akunji a jixi jengi atena kulunga o mixima yâ mu kikalakalu kyâ ni kungastala thembu yavulu mu kuboka, ni kukolokotesa o ilunga mwala ene.

 Kyebhi o akunji a jixi jengi kyene mukwatekesa o sidivisu ya kuboka? Frank Madsen, ukalakala ku Kibuka kya Filiyale ku Malawi, wixi: “Mukonda dya kuswina kwâ ni uhete, o akunji a jixi jengi ene mukwatekesa o ilunga kuboka mu ididi ni jimbambe ja bhonzo, kala, mu ididi kehela kubokona-mu muthu woso-woso (condomínios) mba mu ididi mu zwela madimi engi. O kikalakalu kyadikota kyabhanga, kya kudilonga o dimi dya ixi ni idifwa ni ijila ya ixi ibhana phangu yambote ku akwetu, ene akwatekesa o minzangala kuxinganeka yalungu ni kubokona mu sidivisu ya thembu yoso. Etu tusakidila kyavulu Jihova mu kutubhana o akunji a jixi jengi.”

 Phange yamukwa ukalakala mu Kibuka ya Filiyale ya ixi yengi, wambe: “O akunji a jixi jengi alondekesa ni kidi kyoso kwila o mundu wa Jihova ku mundu woso adizolo, adibundu kumoxi. Katé mwene ni yó ki Jimbangi ja Jihova, atena kumona kwila twadizolo mudyetu, kitwadiwanuna kana, sumbala twatokala mu jixi javulu, ni kwila o ilongesu ya Bibidya yene mu tukwatekesa kudibunda kumoxi.”

 Kyebhi o akunji a jixi jengi kyene mukwatekesa o aboki mu ilunga yâ? Paulo, mukwa Timor-Leste, wawabhela kyavulu kukala ni akunji a jixi jengi mu kilunga kyê. Mwene wambe: “Mu dyembu dyetu kutema kyavulu. Maji sumbala o akunji a jixi jengi atundu mu ididi mubhanga mbambi yavulu, ene nuka ehela o kalolo mba mwanya kwa fidisa kuboka. Ene aya jinga mu yônge ya sidivisu mu kamene, phala kuboka. Ngene mwamona kukunda o athu mu kaxi ka kizuwa (meio-dia) ni mwanya watu kinene ni mu mausuku we. Ene, ene mukwatekesa athu avulu kwijiya o kidi, katé mwene eme. Ene abhakula o mwenyu wâ phala kusidivila Jihova ni kuswina ni kisangusangu, o kiki kyene muswinisa o kilunga kyoso kusidivila kyambote Jihova.”

 Ketti, muboki wa thembu yoso, uzwela kyebhi dikaza dimoxi akunji a jixi jengi kya kwatekesa o mwiji wê, wixi: “Kyoso kyatumikisa dikaza akunji a jixi jengi mu kilunga kyetu, ku mwiji wami éme ngó ngexile ngi Mbangi ya Jihova. Maji o dikaza didi dyangibhana kikwatekesu kyambote, anga akituka makamba a mwiji wami. O phangu yâ yambote, yakwatekesa o twana twami kumona kyebhi o kusidivila Jihova kubhekela kisangusangu ni ukexilu wambote wa mwenyu. Mukonda dya phangu ni kiswinisu kya dikaza didi, o twana twami tutatu twa ahatu, a musidivila kala aboki a thembu yoso, o mwadi wami wamateka kya kuyala mu yônge.”

 Kyebhi kyene mulanga o ibhindamu ya akunji a jixi jengi? Bhukaxi ka kitadi kyene mu sangela phala o kikalakalu ku mundu woso, sayi mawukexilu avulu akusangela utusanga mu kijimbwete donate.pr418.com. Tusakidila kyavulu o kitadi kiki kyene mu sangela.