Ojividyu ja kyônge kya dikota, jatula mwene kumixima yetu. Jatubhangesa kutendela dingi kyambote o ilongesu ya Bibidya. O Kyônge kya Dikota kya 2020 “Sangulukenu Jinga”! Kyexile ni 114 kya jividyu, ni 43 amadiskulusu, a ibhange kujiphange abhanga mbandu ya Kibuka kya Utuminu ni ku akwatekexi yâ. Wadibhwidisa kya se kitadi kuxi ni nguzu yebhi yabhingile phala kubhanga ojividyu joso jiji?

 Nange 900 a jiphange jamala ni ja ahatu kumundu woso, abhana okithangana kyâ ni uhete, phala kubhanga okikalakalu kiki. Mu yoso, ene angastala 100,000 aji ola, kifwa kithangana kyeji bhanga mumivu iyadi mukubhanga okikalakalu kiki. Okithangana kiki kyalungu ni 70.000 aji ola phala kutenesa o dalama ya Bibidya ya Nehemiya ya 76 a ithangana, ni dyambu Nehemiya: ʻO Kusanguluka Kwa Jihova, Kwene o Nguzu Yenu’.

 Sé phata, kwabhingile kitadi kyavulu phala kudikila ojiphange jiji jadibhakula ni kwabhana iselekete ni jifalamenda ni ididi yabhingile phala kutenesa okikalakalu.

 “O Kibuka kya Kulonga kya Kibuka kya Utuminu, kyamesena kyavulu kwila mu jividyu mumoneka ijila, idifwa ni ididi ya jixi jengi. O phange Jared Gossman, ukalakala mu Kibuka kya Audio/Vidyu wambe: “Kiki kibhita mukonda tujiphange javulu kumundu, etu twamesenaphe kwila ojividyu jilondekesa okidi kiki. Phala kiki kibhite, 24 a ibuka mu 11 a jixi, akalakala kumoxi mukubhanga okikalakalu kiki. Kwabhingile kitadi kyavulu, kusokejeka o ima, kudizwelesa kyambote, phala kukwatekesa o athu kukalakala mukithangana kimoxi kumundu woso.”

 Sayi jividyu, phala kujibhanga kwabhingile iselekete yavulu yakatunda. Mukifika, phala kubhanga ovidyu Nehemiya: ʻO Kusanguluka Kwa Jihova, Kwene o Nguzu Yenu’, twa sokejeka kididi ku studyu ya Monte Ebo, bhwa zukama ku Patterson, Nova York, U.S.A. Phala kukalakala kyambote ni kitadi kyene musangela, mukubhanga odalama ilondekesa misoso yokulu, ojiphange abhange ima yadifwangana ni jipalelu ja Jeluzaleme yokulu. Kala kima kyabhange, kyexile ni 6 ajimetulu. A ibhange ni mabaya, mukusuluka a ibebe ni ima, mukusuluka yadifwangana ni matadi. Ojipalelu jiji atenene kuji ambata mu ididi yengi, phala kulondekesa ima ni ididi yengi mu vidyu, mukiki kikwabhingile ididi yavulu phala kungalavala. Ne mwene kiki, kwabhingile 100,000 ajidolale, (kifwa 66.500.000 akz) phala kutunga o ididi yakungalavala odalama. a

 Mukwijiya dingi kyebhi kyatena kubhanga okyônge kya dikota, okisakidilu kyetu mumilongi yoso kidibandekesa dingi. Twadyelela kwila onguzu yoso yabhange ojiphange phala kubhanga omilongi yakyônge kya dikota, yakwatekesa o athu kumundu woso, yaximana Jihova. Twamisakidila muyoso imwasangela phala kukwatekesa okikalakalu kumundu woso bhukaxi ka donate.pr418.com ni bhukaxi ka mawukexilu engi.