KALA KUMESU AZELE!
2022: Muvu wa Hele ni Kavwanza—Ihi Izwela o Bibidya?
Mu muvu woso wa 2022, twevu kyavulu kuzwela yalungu ni ita, wadyama, ni mavuwa. O Bibidya yene ngo ijimbulula se mukonda dyahi kwabhiti o ima yoso yiyi.
Ihi ilombolola yoso yabhiti mu muvu wa 2022
O ima yoso yabhiti mu muvu watundumu, ilombolola kyambote kwila, twala mwene mu “izuwa isukidilaku” kala kyatange o Bibidya. (2 Timote 3:1) O izuwa isukidilaku yamateka ku muvu wa 1914. Tala kyebhi o ima yabhiti mu izuwa yiyi yene mwene yatange o Bibidya kwila yejibhita mu ithangana yetu:
“Ita.”—Matesu 24:6.
“O muvu wa 2022, ó muvu wa kwila akwa Europa, lwamukwa dingi, atale hadi mukonda dya ita.” a
Tanga o milongi “Rússia Uluwa Ita ni Ucrânia.”
“Kwanda kala nzala.”—Matesu 24:7.
“2022: Muvu wa nzala yavulu, mukulu ndenge.” b
Tanga o milongi “O Ita mu Ucrânia Yamubhekela Nzala Kumundu Woso.”
“Mauhaxi.”—Luka 21:11.
“O uhaxi wa poliu wavutuka, o uhaxi wabheka o jihima (variola dos macacos) wabheka windwa wavulu ku athu, maji o COVID-19 yamusuluka mu kutatesa o athu. O uhaxi yú walondekesa kwila o mauhaxi asambukisa ku muthu ni muthu, mauhaxi abhonzo kyavulu, alondekesa o undenge wa athu.” c
Tanga o milongi “Ihi Yamba o Bibidya Yalungu ni 6 Amazunda a Athu Afu ni uhaxi wa COVID.”
“O athu anda mona ima ikwatesa wôma.”—Luka 21:11.
“Kalolo kavulu, kukamba mvula, mixitu yakwata tubhya ni mvula yonene yakungulula o jinzo. Athu nuka andajimba o muvu wa 2022. Wabheka kufwa kwavulu, hama ni jihama ja athu afu, jimidi ni jimidi ja athu axala sé jinzo.” d
Tanga o milongi “Ihi Izwela o Bibidya Yalungu ni Kutema Kwavulu mu Ngongo?.”
“Jiphaxi [mba, “kavwanza,” nota.].”—Luka 21:9.
“Kuma athu akexile ni njinda yavulu mukonda dya kukamba kitadi ni kwila imbamba aite kalu yavulu, yoso yiyi yabhangesa o athu kudikalanganza mba kubhanga kavwanza ku jinguvulu mu muvu wa 2022.” e
Tanga o milongi “Ihi Yamba o Bibidya Yalungu ni Ima Yamubanda Kumundu Woso?.”
Ihi yandabhita mu muvu wizamu?
Seku muthu wejiya ni kidi kyoso yoso yandabhita mu muvu wa 2023. Maji twejiya kwila kwakambe ngo bhofele, o Utiminu wa Nzambi mba unguvulu ku dyulu wandalungulula o ima phala o ixi ikale kididi kyayuka. (Daniyele 2:44) O unguvulu yú wandazubha o hadi yoso yene mu tala o athu, wandabhangesa we kwila o vondadi ya Nzambi aibhange mu ixi.—Matesu 6:9, 10.
Twamukutendelesa kukayela o milongi ya Jezú Kidistu ya “kukolokota ni kudilanga” mu kutongolola kyebhi o ima yamubhita mu ngongo kikumbidilu kya ikanenu ya Bibidya. (Máluku 13:37) Twakudyondo, tusote phala tukukwatekese kwijiya dingi se kyebhi o Bibidya itena kukukwatekesa kindala ni kyebhi yene itena kubhana kidyelelu kyambote kokwe ni ku mwiji wé kwila hádya ima yandakala kyambote.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Eye Nange Wandawabhela we o Maka Yá
O MULANGIDI
Kwa Kambe Ngó Nzambi Wa-nda Zubha o Jiphaxi Joso
Hkyebhi ki tu tena kwijiya kwila, kwa kambe ngó Nzambi wa-nda zubha o hadi yoso ni kufundisa kwa yibha?
ESSENTIAL BIBLE TEACHINGS
O Utuminu wa Nzambi Ihi?
Mu kithangana kya ukunji wê mu ixi, Jezú wa zwela dingi ya lungu ni Utuminu mak’engi ndenge. Mu mivu yavulu, athu ene mu samba mu kubhinga kwila utuminu yu wize.
KIKWATEKESU PHALA KUDILONGA O BIBIDYA
O Utuminu wa Nzambi Wamateka Kutumina Kumuvu wa 1914
Mu 2.500 amivu kudima, Nzambi wate kikanenu kya mudikumbidila lelu ni kidi kyoso, o kikanenu kyalungu ni Sobha wala ni kutena kwadikota.
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.
