Mundu wavulu abanza kwila seku kima kyandatena kubatula o maka anda moneka mu muvu wa 2024. Maji tutena kukala ni kidyelelu kya kwila hadya ima yandakala kyambote. Ihi yanda tubhana kidyelelu?

 O Bibidya itutangela kwila Nzambi wandazubha o maka oso utwene mudibhidika nau lelu. Kwakambe ngo, Nzambi “wanda kondona o masoxi moso kumesu mâ, kikwanda kala dingi kufwa, né ngó mukôndo, né kudila, né ndolo. Mukonda o ima ya dyangele-ku, yabhiti kyá.”—Dijingunwinu 21:4.

•   Phala kwijiya dingi o izwelu ya Bibidya yalungu ni hadya, tanga o milongi “Uma esperança real de um futuro melhor.”

 O Bibidya ibhana kidyelelu kya kwila hadya ima yandawabha, o kidyelelu kiki kitena kukukwatekesa phala kudivwe kyayibha, kikukwatekesa we kukala ni ibanzelu yambote. (Loma 15:13) O milongi ya Bibidya itena we kukukwatekesa kudibhana ni maka atena kumoneka ku mwenyu wé, mu kifika kudibhana ni wadyama, kuyibha ni mauhaxi.

•   Ijiya kyebhi o kidyelelu kitubhana o Bibidya kyakwatekesa diyala kukala ni kutululuka ni kusanguluka sumbala wakudila mu wadyama. Tala o vidyu Juan Pablo Zermeno: Mwenyu Wami Wala Kyambote ni Kikwatekesu Kya Jihova.

•   Ijiya kyebhi o Bibidya ki itena kukukwatekesa phala kuditatele, kuluwale, kukale ni hele mba kudivwe kwila wadiboto. Tanga o milongi “Posso encontrar consolo na Bíblia?”

•   Tala kyebhi muhatu wexile disoladi mu mivu yavulu, wambe kwila “kakexile musuwa athu” tala kyebhi mwene kyatena kusanga kidyelelu mukonda dya kudilonga o Bibidya. Tala o vidyu Deixei as armas para trás.

 Bhangesa kwila o muvu wa 2024, ukale muvu wambote phala eye ni mwiji wé. Dilonge dingi kyebhi o Bibidya ki itena kukukwatekesa. Fikisa kudilonga o Bibidya sé kufuta kitadi. Ijiya kyebhi Nzambi kyatena kukubhana “ixinganeku ya wembu” kindala ni kukubhana ‘kidyelelu’ phala o hadya.—Jelemiya 29:11.