Kuma o ita mu Ucrânia yene mudibandekesa, atwameni avulu a Jikidistá, ene muswinisa o athu kubhanga mbandu mu ita. Tala kyebhi o mutwameni wa ngeleja kya kwatekesa o jimbandu jiyadi ja ita:

•   “Ujitu wadikota ni kisangusangu kyonene phala etu kuzokela o akwa Ucrânia mu ita ya jinguma jetu . . . O muxima wetu, o misambu yetu, ni kikwatekesu kyetu kyala jinga ni enu.”—Metropolitan Epiphanius I ya Kyiv, kala kyazwela The Jerusalem Post, mu kizuwa 16 ya Katanu, 2022.

•   “O mutwameni wa Ngeleja ya Orthodoxia ku Rússia wabhange kyônge kya katunda ni masoladi akwa Rússia kya Sekunda yu waswinisa kuzokela o ixi yâ ‘mukonda o akwa Rússiya ene ngó atena kubhanga kiki,’ kyoso o nguvulu ya Rússia kyaya ni kulwa ita ni Ucrânia.”—Reuters, mu kizuwa kya 3 ya Kasamanu, 2022.

 O kwila o Jikidistá atokala kubhanga mbandu mu ita? Ihi izwela o Bibidya?

 O Bibidya ilondekesa kwila oso yó amukayela Jezú Kidistu kadita mu ita.

•   “Vutula o xibhata, bhu kididi kyê. Mukonda oso a katula o xibhata, anda fwila ku xibhata.”—Matesu 26:52.

   O kwila o muthu udita mu ita mba ulwa o ita mukidi wamubelesela mwene o izwelu ya Jezú?

•   “Ngi mi bhana kitumu kya ubhe: Dizolyenu mudyenu. Kala ki nga mi zolo eme, enu-wenu dizolyenu mudyenu. Kyenyiki, o athu oso anda mijiya kwila mu maxibulu mami, se mudizola mudyenu.”—Nzwá 13:34, 35.

   O kwila o muthu ukwatekesa o ita wamulondekesa mwene o henda ya tange Jezú kwila yejitungula o maxibulu mê mba akayedi yê?

 Phala kwijiya dingi tanga o milongi ni dyambu “A guerra é compatível com o cristianismo?”

 O kwila kima kyambote mwene o Jikidistá kukamba kubhanga mbandu mu ita ya izuwa ya lelu? Kyene, kima kyambote. O Bibidya yakanena kwila mu tembu yetu mba “mu izuwa ya kà sukidilaku,” mweji kala athu akwa jixi joso keji “dilonga dingi kúlwa ita,” kala kya longo Jezú.—Izaya 2:2, 4.

•   Phala kwijiya dingi, tanga o milongi ya Mulangidi yala ni dyambu “Ihi i Zuela o Bibidia ia Lungu ni Ita?”

 Kwakambe ngó bhofele, a “o Nzambi ya paze,” bhukaxi ka utuminu wê wa dyulu wanda jituna “o myenyu [ya athu] ku ngungu wa kudya mangonya.”—Filipe 4:9; Jisálamu 72:14.

•   Phala kwijiya kyebhi kiki kyandabhita tala o vidyu, O Utuminu wa Nzambi Ihi?