Mu mbeji ya Kavwa ka 2022, kwabhiti usweya ni mauta akudiwana kumundu woso:

•   “O kufwa kwa diyala [Shinzo Abe wexile o dimixi dya dyanga] ku Japão kyabhangesa athu avulu ku Japão ni kumundu kudiwana mukonda o maka alungu ni usweya ki kima kibhita ola joso ku Japão, kana. O kyamukwa we o jinguvulu akayela mwene kyambote o kitumu kya athu kukala ni mauta.”—Mu kizuwa kya 10 ya Kavwa, 2022, The Japan Times.

•   “O ixi ya Dinamarca yadiwana kyoso o kijibhanganga kyajibha kitatu kya athu mu diloja mu mbanza ya Copenhague.”—Mu kizuwa kya 4 ya Kavwa 2022, Reuters.

•   “Mu kifika, ku África do Sul, sayi mayala abokona mu inzo mwene musumbisamu o uholwa, ya ajibhaku 15 kya athu.”—Mu kizuwa kya 10 ya Kavwa, 2022, The Guardian.

•   “Mu ixi ya Estados Unidos, mu kizuwa kya 4 ya Kavwa kudisukilu dya semana ajibhaku 220 a athu ndenge ni mauta.”—Mu kizuwa kya 5, 2022, CBS News.

 O kwila sayi kizuwa o usweya ni mauta wandabhwa? Ihi yamba o Bibidya?

 O Bibidya izwela kwila twa tungu “mu izuwa isukidilaku” ni kwila mu kithangana kiki o athu eji kala “ijibhangânga.” (2 Timote 3:1, 3) Mukonda dya usweya yú o athu atungu ni wôma wavulu. (Luka 21:11) Maji o Bibidya ikanena kwila o usweya wandabhwa ni kwila o “athu ami anga akà tunga mu dyembu dya batama, ni mu madyembu akondama, ni um ididi ya tululuka ya kunyoha.” (Izaya 32:18) O ima yiyi yandabhita kyebhi?

 Nzambi wanda bwika o athu ayibha ni kubwika o mauta

•   “Maji akwa-phulu mu ngongo a kà a bwikisa-mu.”—Jisabhu 2:22.

•   “[Nzambi] wa iswikika katé kumaxokolo a’xi; uta wamufula wa ubukula, dyonga wadibatula mu kaxi; o makalu a ita wa oha mu túbhya.”—Jisálamu 46:9.

 Nzambi wanda zubha ni usweya mukulonga o athu kukala akwa kutululuka.

•   “Ka kà bhanga-mu kyayibha mba phulu yoso-yoso, mu mulundu wami woso, u nga kolêsa; mukonda oxi yoso ya kèzala ni kwijiya Nzambi, kala o menya kyezalesa kalunga.”—Izaya 11:9.

•   Né mwene lelu Nzambi wamulonga kya athu kumundu phala o “jixibhata jâ a kà ji sula kyá matemu phala kudima, o mifula yâ a kà i bhanga jimvo” kifwa, andakala athu akwa paze kandakwata mauta.—Mik. 4:3.

 Phala kudilonga dingi yalungu ni ikanenu ya Bibidya ya kutunga ku mundu sé wôma, tanga o milonga ni dyambu, “É possível ficar livre do medo?”

 Phala kwijiya kyebhi o usweya wandabwa mu lumoxi katé kuhádya ni hádya, tanga o milonga ni dyambu “Paz na Terra enfim!“