Mu muvu wa 2024, mu jixi javulu mwanda bhita o kithangana kya kusola o mwendexi wa ixi. Maji mukidi, o athu kamudyelela dingi kujinguvulu.

•   Mu ixi ya America nzungule dya athu amba kwila “jinguvulu javulu amuswua ngo o jihanji ja” mukidi kandalawu kusidivila o athu. a—Pew Research Center, 19 ya Katutu ka 2023.

 Minzangala yavulu we eha kudyelela ku jinguvulu.

•   “O yo amubhixila ku kitala kya unzangala, andala kwila o jinguvulu abatula o maka ene mumoneka mu izuwa ni izuwa. Maji mukidi, ene mumona kwila o jinguvulu kanda zubha o ibhindamu ya.”—The New York Times, 29 ya Katatu ka 2024.

•   “Minzangala yavulu adyelela dingi ku akwa kuta jividyu mu YouTube ku jinguvulu ndenge.”—The Korea Times, 22 ya Katatu ka 2024.

 O kwila tutena kudyelela ku jinguvulu kwila anda tena kubatula o maka oso? Mba tutena kudyelela kwa nanyi?

 Twatokala kudilanga, mukithangana kya kusola kudyelela kumuthu. O Bibidya yamba kwila “Kilalu maka oso a zwela kwala athu, mwene u a xikina; maji yó wa sunguluka-phe, u zonga kyambote kyoso kyenda”—Jisabhu 14:15.

•   Phala kwijiya kusola o milongi itwatokala kudyelela, tanga o milongi “Como se proteger de informações falsas.”

 Kiki ki kyene ngo, ne mwene o nguvulu mukwa kidi wandala mwene kubhanga o mbote ne kiki kene mutena kubatula o maka oso. Mukonda dya kiki o BIbidya itutendelesa:

•   “Kana kudyelela kujinguvulu ja ngongo; ko athu tena kukubhulula.”—Jisálamu 146:3, Good News Translation.

 O Bibidya ilondekesa kwila Nzambi wasolo Sobha yambote, ututena kumudyelela: Jezú Kidistu. (Luka 1:32, 33) Jezú Sobha ya Utuminu wa Nzambi, o Unguvulu o utumbike kudyulu.—Matesu 6:10.

•   Ijiya se mukonda dyahi watokala kudyelela kwa Jezú ni ihi yanda bhanga mwene phala kubatula o amaka oso. Tanga o milongi “Nanyi o Sobha ya Utuminu wa Nzambi?” ni “O Utuminu wa Nzambi Wa-nda Bhanga Ihi?”