Mukanda Wadyanga wa Nzwá 1:1-10
1 Twa mu mi sonekena yalungu ni yó wabheka o maka a mwenyu, wene kyá tundé kudimatekenu,* yó u twa mwivu, twa mumono ni mesu metu, twa mutongolola, twa mukwata ni maku metu.
2 (O mwenyu wakalelaku a tu londekesa nawu, étu twa umono, twabhana umbangi ni ku mitangela yalungu ni mwenyu wenyú. O mwenyu yú wakalelaku watundu kwa Tata, anga a tu londekesa nawu).
3 O kima kitwamono, kitwevu, twa mu mitangela-kyu phala mukale we kumoxi n’etu.* Etu twala we kumoxi ni Tata ni Mon’ê Jezú Kidistu.
4 Twa mi sonekena o ima yiyi, phala tukale ni kusanguluka kwatenena.
5 O njimbu i twevu kwa mwene yene i twa mu mitudila, kwila, Nzambi mukengeji, mwa mwene ki mwéne kitombe.
6 Se twamba kwila: “Etu twala ni ukamba ni Nzambi,” maji tusuluka mu kwenda mu kitombe, twa mutanga makutu, mu kidi kitwala-mu.
7 Maji se twa mukwendela mu mukengeji kala kyala Nzambi, twala ni ukamba mudyetu, o manyinga a Mon’ê Jezú, atuzelesa ku ituxi yetu yoso.
8 Se twamba kwila: “Etu kitwala ni kituxi,” twa mu dinganala mudyetu, mu kidi kitwala-mu.
9 Maji se tufisala o ituxi yetu, Nzambi fiyele, wayuka, wala polondo phala kuloloka o ituxi yetu ni ku tuzelesa ku ima yoso yayibha.
10 Se twamba kuma: “Kitwala ni kituxi,” twa mulondekesa kwila, Nzambi mukwa makutu, o maka mê kala moxi dyetu.
Footnotes
^ Kiki kilombolola ande dya Nzambi kubhanga o ima yéngi.
^ Mba, “mu kale ni ukamba n’etu.”