Dya Dyanga Dya Malunda 2:1-55
2 O an’a Izalayele enya: Lubene, Ximinyá, Levi, Judá, Isakale, Nzebulone,
2 Dane, Zuze, Bejamí, Nafitali, Ngade ni Azele.
3 O an’a Judá enya: Hele, Onano ni Selá. Mwene wavwala o twana tutatu tutu ni mon’a Suwa, mukwa Kanana. Hele mwéne o mona wa dyanga wa Judá, maji mwene wexile mubhanga ima yayibhila Jihova, mukonda dya kiki mwene wa mujibha.
4 Tamala o mukaji’a mon’a Judá wa muvwalela o twana tutu: Peleji ni Nzelá. Judá wexile ni ana atanu.
5 O an’a Peleji, enya: Hezelone ni Hamule.
6 O an’a Nzelá enya: Nzidi, Etane, Henane, Kalekoli ni Dala. Enyoso atenesa kitanu.
7 O mon’a* Kalumi wexile Akele,* yó wabheka o wíndwa ku Izalayele mukonda dya kubhukumukina o kitendelesu kyalungu ni ima yatokalele ku ibwika.*
8 O mon’a* Etane wexile Azadiya.
9 O an’a Hezelone, enya: Jelamele, Lame ni Kelubayi.*
10 Lame wexile tata ya Aminadabe. Aminadabe wexile tata ya Nasono, wexile o mutwameni wa mbutu ya Judá.
11 Nasono wexile tata ya Salama. Salama wexile tata ya Bowaji.
12 Bowaji wexile tata ya Obede. Obede wexile tata ya Jesé.
13 O mona wa dyanga wa Jesé, Eliyaba, o wa kayadi Abinadabe, o wa katatu Ximeya.
14 O wa kawana Netanayele, o wa katanu Ladayi.
15 O wa kasamanu Ozeme, o mona wa kasambwadi Davidi.
16 O jiphange jâ ja ahatu enya: Zeluya ni Abingayíle. O ana atatu a Zeluya enya: Abizayi, Jowabe ni Azayele.
17 Abingayíle wavwala Amasa. O tata ya Amasa wexile Jetéle o mukwa Ijimayele.
18 Kalebe* mon’a Hezelone, wavwala twana ni muhat’wê Azuba ni Jediyote. O twana twê enya: Jezele, Sobabe ni Aledone.
19 Kyoso Azuba kyafu, Kalebe wakazala ni Efalata, mwene wavwala-nê mona yu wa muluku o dijina dya Hule.
20 Hule wexile tata ya Udi, Udi wexile tata ya Bezalele.
21 Mukusuluka, Hezelone wazeka ni mon’a Makidi, tata ya Ngiliyade. Mwene wexile ni makwinyi asamanu a mivu kyoso kyakazala ni mwene anga uvwala-nê mona a muluku o dijina dya Sengube.
22 Sengube wexile tata ya Jayile, wexile ni makwinyi ayadi ni kitatu kya jimbanza mu ixi ya Ngiliyade.
23 (Ku pholo dya kwenda, akwa Jesule ni akwa Sídya atambula o mbanza ya Havote-Jayile ni mbanza ya Kenate ni jisanzala jazukamene. Jenyoso jatenesa makwinyi asamanu a jimbanza.) Enyoso yá, atokalele ku mbutu ya Makidi tata ya Ngiliyade.
24 Kyoso Hezelone kyafu ku Kalebe-Efalata, Abiya muhatu wa Hezelone wavwala mona, wa muluku o dijina dya Asule, tata ya Tekowa.*
25 Jelamele o mona wa dyanga wa Hazelone. O an’a Jelamele enya: Lame, o mona wa dyanga, ku kwakayela Buna, Oleme, Ozeme ni Ahiya.
26 Jelamele wexile ni muhatu wengi amwixana Atala. Mwene wexile manya Oname.
27 O an’a Lame mon’a wa dyanga wa Jelamele, enya: Mahazi, Jamine ni Hekele.
28 O an’a Oname, enya: Samayi ni Jada. O an’a Samayi, enya: Nadabe ni Abisule.
29 O dijina dya muhatu wa Abisule dyexile Abiyale, wavwala-nê o twana tutu: Abahe ni Molide.
30 O an’a Nadabe enya: Selede ni Apaíme. Maji-phe, Selede wafu se kuvwala ana.
31 O mon’a Apaíme wexile Izi, o mon’a Izi wexile Sezane, o mon’a Sezane wexile Alayi.
32 O an’a Jada phange ya Samayi enya: Jetéle ni Jonatá. Maji-phe Jetéle wafu se kuvwala ana.
33 O twana twa Jonatá, enya: Phelete ni Zaza. Yá ene exile o mbutu ya Jelamele.
34 Sezane kexile ni ana mala, wexile ngo ni ana ahatu. Sezane wexile ni selevende mukwa Ijitu dijna dyê Jala.
35 Sezane wabhana mon’ê kwa selevende yê Jala, phala kukala muhatu wê. Mwene yu wavwala mona a diyala, a muluku o dijina dya Atayi.
36 Atayi wexile tata ya Natane. Natane wexile tata ya Zabadi.
37 Zabadi wexile tata ya Efaladi. Efaladi wexile tata ya Obede.
38 Obede wexile tata ya Jehú. Jehú wexile tata ya Azadiya.
39 Azadiya wexile tata ya Heleji. Heleji wexile tata ya Eleyaza.
40 Eleyaza wexile tata ya Sijimayi. Sijimayi wexile tata ya Salume.
41 Salume wexile tata ya Jekamiya. Jekamiya wexile tata ya Elixama.
42 O an’a Kalebe* phange ya Jelamele, enya: Mexa o mona wa dyanga, tata ya Zife, ni twana twa Malesá tata ya Hebolone.
43 O an’a Hebolone enya: Kolá, Tapuwa, Lekeme ni Sema.
44 Sema wexile tata ya Lahame ni tata ya Jolokeyane. Lekeme wexile tata ya Samayi.
45 Samayi wexile tata ya Mawone. Mawone wexile tata ya Betezule.
46 Efa muhatu wa Kalebe wavwala Halane, Moza ni Ngazeze. Halane wexile tata ya Ngazeze.
47 O an’a Jadi enya: Lejeme, Jotamu, Jesane, Pelete, Efa ni Sahafe.
48 Mahaka o muhatu wa Kalebe, wavwala Sabele ni Tilana.
49 Mwene we wavwala Sahafe tata ya Madimana, Seva tata ya Makabena ni Ngibeya. O mon’a Kalebe dijina dyê Akesa.
50 Yá ene exile o mbutu ya Kalebe.
O an’a Hule mona wa dyanga wa Efalata, enya: Sobalo tata ya Kidyate-Jadimi,
51 Salama tata ya Beleme, Halefe tata ya Betengadi.
52 Sobalo tata ya Kidyate-Jadimi wexile ni twana. O majina a twana twê enya: Haloyi ni kaxaxi ka mwiji wa akwa Menuyita.
53 O miji ya akwa Kidyate-Jadimi, enya: Akwa Itedite, akwa Pute, akwa Jisumaté ni akwa Jimizalayé. Ku miji yiyi kwene kwatundu akwa Zola ni akwa Xitaholi.
54 O an’a Salama enya: Beleme, o akwa Notofa, o akwa Atolofe-Bete-Jowabe ni kaxaxi ka mwiji wa akwa Manahate ni akwa Zola.
55 O miji ya jimesene ja kitumu atungile ku Jabezi, enya: Jitilatita, Jisemetita ni Jisukatita. Yá o akwa Kene atundile ku Hamate, tata ya dibhata dya Lekabe.
Footnotes
^ Mu Heba.: “o ana.”
^ Dilombolola “yó ubheka windwa.” Kifwa yó ubhangesa o kudisandula. Mu divulu dya Josuwé 7:1 a mutumbula mu dijina dya Akane.
^ Tala o Dilombolwelu.
^ Mu Heba.: “o ana.”
^ A mwixana we Kalebe mu jivelusu 18, 19 ni 42.
^ A mwixana we Kelubayi mu velusu ya 9.
^ Sayi majina mu kibatulu kiki alombolola ididi, ki majina a athu kana. Mukyenyiki, sayi bhabha o dijina “tata” dilombolola yó wadyangela kutunga mu mbanza.
^ A mwixana we Kelubayi mu velusu ya 9.
