Dya Dyanga Dya Malunda 24:1-31
24 O ibuka ya an’a Alá enya: O an’a Alá exile Nadabe, Abihú, Eliyazale ni Itamale.
2 Nadabe ni Abihú afu sé kuvwala ana, kyoso tata yâ kyexile hanji ku mwenyu. Maji Eliyazale ni Itamale asuluka mu kusidivila kala akunji.
3 Davidi kumoxi ni Zadoke, watokala ku an’a Eliyazale ni Ahimeleke watokala ku an’a Itamale awane o akunji mu ibuka-ibuka phala kubhanga o ikalakalu yâ.
4 Kuma o ana Eliyazale akexile dingi ni atwameni avulu, o an’a Itamale ndenge, awane o ibuka kala kyatokala. Ku an’a Eliyazale dikwinyi ni samanu a atwameni a mabhata a jitata jâ. O ku an’a Itamale dinake dya atwameni ku mabhata a jitata jâ.
5 Ene awane we o ibuka iyadi mu kuta jisolote, mukonda kikale ku an’a Eliyazale ni ku an’a Itamale kwexile atwameni a kididi kikôla ni atwameni exile musidivila o Nzambi yakidi.
6 Mukusuluka, o seketa ya akwa Levi, Semaya mon’a Netanayele, wasoneka o majina mâ bhu pholo ya sobha, ya ilamba, ya mukunji Zadoke ni ya Ahimeleke mon’a Abiyatale ni bhu pholo ya atwameni a jinzo ja akunji ni ya atwameni a Jilevita. Exile musola dibhata dimoxi dya atwameni a miji a Eliyazale ni dibhata dimoxi dya atwameni a miji a Itamale.
7 O solote ya dyanga yabwila kwa Joyadibe, o ya kayadi kwa Jadaya,
8 o ya katatu kwa Hadimi, o ya kawana kwa Sehodime,
9 o ya katanu kwa Malekiya, o ya kasamanu kwa Mihamine,
10 o ya kasambwadi kwa Haku, o ya kanake kwa Abiya,
11 o ya kavwa kwa Jesuwa, o ya kakwinyi kwa Sekaniya,
12 o ya dikwinyi ni kamoxi kwa Eliyazibe, o ya dikwinyi ni kayadi kwa Jakime,
13 o ya dikwinyi ni kitatu kwa Hupa, o ya dikwinyi ni kawana kwa Jesebeyabe,
14 o ya dikwinyi ni katanu kwa Bilika, o ya dikwinyi ni samanu kwa Imele,
15 o ya dikwinyi ni sambwadi kwa Hezide, o ya dikwinyi ni kanake kwa Hapise,
16 o ya dikwinyi ni kavwa kwa Petaya, o ya makwinyi ayadi kwa Jehezekele,
17 o ya makwinyi ayadi ni kamoxi kwa Jakini, o ya makwinyi ayadi ni kayadi kwa Ngamuli,
18 o ya makwinyi ayadi ni katatu kwa Delaya, o ya makwinyi ayadi ni kawana kwa Mahaziya.
19 Yiyi yene yexile o ikalakalu yá, kyoso ene kyexile mubokona mu inzo ya Jihova, kala kyatendelesele Jihova o Nzambi ya Izalayele bhukaxi ka kuk’wâ Alá.
20 O Jilevita ja kamukwa, enya: Ku an’a Halane, Subayele, ku an’a Subayele, Jehediya.
21 O ku an’a Lahabiya, Isiya mwéne wexile o mutwameni.
22 O ku an’a Izahale, Selomote, ku an’a Selomote, Jahate,
23 ku an’a Hebolone, Jidiya o mutwameni wa dyanga, Amadiya o mutwameni wa kayadi, Jahasiyele o mutwameni wa katatu, Jekamane o mutwameni wa kawana.
24 Ku an’a Uziyele kwexile Mika, ku an’a Mika, Xamidi.
25 Isiya wexile phange ya Mika. O ku an’a Isiya, Zakadiya.
26 O an’a Meladi exile Mahali ni Muxi. Ku an’a Jahaziya, Benu.
27 Ku mbutu ya Meladi kwexile Jahaziya. O an’a Jahaziya exile Benu, Sahame, Zakule ni Hibidi.
28 Ku mbutu ya Mahali kwexile Eliyazale. Mwene kavwalele ana.
29 Ku mbutu ya Kiji: O ku an’a Kiji kwexile Jelamele.
30 O an’a Muxi exile Mahali, Edele ni Jedimote.
Yá ene o an’a Levi kala kyatokala ku miji ya jitata jâ.
31 Ene ate jisólote kala kyabhangele o jiphange jâ o an’a Alá ku pholo ya sobha Davidi ni ya Zadoke ni ya Ahimeleke ni ya atwameni a dibhata dya jitata ja akunji ni ya Jilevita. Kala kyabhange ku dibhata dya mwadyakime kyene we kyabhange ku dibhata dya ndenge.
