Dya Dyanga Dya Malunda 7:1-40
7 O an’a Isakale enya: Tola, Puwa, Jasube ni Ximilone. Ene exile kiwana.
2 O an’a Tola enya: Uzi, Lefaya, Jediyele, Jamayi, Ibisane ni Semuwele, ene exile atwameni a miji yâ. Ku mbutu ya Tola, kwexile mazonda a ita. Mu izuwa ya Davidi, atenesene makwinyi ayadi ni kiyadi kya midi ni hama samanu.
3 O mbutu* ya Uzi yeniyi: Izalayiya. O an’a Izalayiya enya: Mingyedi, Obadiya, Jowele ni Isiya. O kitanu kiki, ene exile o atwameni a miji yâ.
4 Mwaxaxi ka miji yâ, mwakexile akwa kubhânga mu ita. Ene atenesene makwinyi atatu ni kisamanu kya midi a masoladi, mukonda akexile ni ahatu avulu ni ana avulu.
5 O jiphange jê, atokala ku miji yoso ya Isakale exile mazonda a ita. Enyoso atenesa makwinyi anake ni sambwadi a midi a mayala kala kyasoneka o majina a miji yâ.
6 O an’a Bejamí enya: Bela, Bekele ni Jediyale. Ene exile kitatu.
7 O an’a Bela enya: Ezebone, Uzi, Uziyele, Jedimote ni Idi. Ene exile kitanu. Exile atwameni a miji yâ, exile we mazonda a ita. O miji yâ a asoneka o majina mâ, ene atenesene makwinyi ayadi ni kiyadi kya midi ni makwinyi atatu ni kiwana kya mayala.
8 O an’a Bekele enya: Zemila, Jowaji, Eliyezele, Elonayi, Omidi, Jelemote, Abiya, Anatote ni Alemete. Enyoso yá an’a Bekele.
9 Asoneka o majina mâ kala kyatokala ku miji ni miji. Yalungu ni atwameni a miji yâ, kwakexile makwinyi ayadi a midi ni hama jiyadi ja mazonda a ita.
10 O mbutu ya Jediyale yenyiyi: Jediyale wexile tata ya Bilane, Bilane wexile tata ya Jewuji, Bejamí, Ehudi, Kenahana, Zetane, Talxixi ni Ayisahele.
11 Yiyi yene o mbutu ya Jediyale, ene exile ilamba ya miji yâ. Kwakexile dikwinyi ni sambwadi a midi ni hama jiyadi ja mazonda a ita, a alongele kubhânga mu ita.
12 O akwa Sufami ni akwa Hupine exile mbutu ya Ili. O akwa Husime exile mbutu ya Ahele.
13 O an’a Nafitali enya: Jaziyele, Nguni, Jezéle ni Salume.Yá éne exile o mbutu ya Bila.
14 O an’a Manasa enya: Axidiyele amuvwala ku muhatu mukwa Sídya. (Mwene wavwala we Makidi tata ya Ngiliyade.
15 Makidi wasolo muhatu phala Hupine, yu wasolo we muhatu phala Supimi. O phang’yê ya muhatu dijina dyê Mahaka.) O mona wa kayadi wa Manasa, dijina dyê Zelofeyadi. Maji Zelofeyadi wexile ngo ni an’a ahatu.
16 Mahaka muhatu wa Makidi, wavwala mona diyala wa muluku o dijina dya Peleze. O phang’yê Seleji. O twana twê twexile, Ulame ni Lekeme.
17 O mona* wa Ulame wexile Bedani. Yá ene exile o an’a Ngiliyade, mon’a Makidi, Makidi mon’a Manasa.
18 Ngiliyade wexile ni phang’yê ya muhatu dijina dyê, Hamolekete. Hamolekete wavwala Izode, Abiyezele ni Mahala.
19 O an’a Semida enya: Ayane, Xikeme, Likihi ni Anime.
20 Efalayíme wexile tata ya Sutela, Sutela wexile tata ya Belede, Belede wexile tata ya Tahate, Tahate wexile tata ya Elada, Elada wexile tata ya Tahate.
21 Tahate wexile tata ya Zabadi, Zabadi wexile tata ya Sutela, Sutela wexile tata ya Ezele ni Elade. O mayala akwa Ngate avu o ixi, akulumukine phala kunyana o ibhaku ya twana twa Efalayíme, ya ajibha Ezele ni Elade.
22 O tata yâ, Efalayíme, wadidi mu izuwa yavulu. O jiphange jê ayi mu mukonda o malamba.
23 Mukusuluka, mwene wazeka ni muhatu wê, o muhatu wemita yu wavwala mona diyala. Mwene wa muluku o dijina dya Bediya* mukonda kyoso kya muvwala, ku mwiji kwakexile mubhita divuwa.
24 Mwene wavwala mon’a muhatu wa muluku o dijina dya Sela, watungu o mbanza ya Betolone ya lwiji ni Betolone ya thunda ni Uzene-Sala.
25 Lefa ni Lesefe exile mbutu ya Efalayíme. Lesefe wexile tata ya Tela, Tela wexile tata ya Tahane.
26 Tahane wexile tata ya Ladane, Ladane wexile tata ya Amihudi, Amihudi wexile tata ya Elixama.
27 Elixama wexile tata ya Nune, Nune wexile tata ya Jozuwé.*
28 O jixi ni jisanzala jâ, jenyiji: Betele ni jisanzala ja zukamene, o ku mbandu kutundila o dikumbi Nahalane, o ku mbandu kufwila o dikumbi, Ngezele ni jisanzala ja zukamene ni Xikeme ni jisanzala jazukamene, ndu ku ixi ya Ayá* ni jisanzala jazukamene.
29 O ku mbandu ya ixi ya mbutu ya Manasa, kwexile o mbanza ya Bete-Sane ni jisanzala jazukamene, Tahanake ni jisanzala jazukamene, Mejidu ni jisanzala jazukamene, Ndole ni jisanzala jazukamene. O mbutu ya Zuze mon’a Izalayele atungile mu jimbanza jenyiji.
30 O an’a Azele enya: Iminahe, Ixiva, Ixivi ni Bediya. O phang’yâ ya muhatu dijina dyê Sala.
31 O an’a Bediya enya: Ebele, Malakiyele, wexile tata ya Bilizavite.
32 Ebele wexile tata ya Jafelete, Somele, Hotane ni Suwa, phang’yâ ya muhatu.
33 O an’a Jafelete enya: Pasake, Bimale ni Azavate. Yá ene o an’a Jafelete.
34 O an’a Semele* enya: Hayi, Loheka, Jehuba ni Halá.
35 O an’a Helema* phang’yê, enya: Zofa, Imina, Sele ni Amale.
36 O an’a Zofa enya: Suwa, Halanefele, Suwale, Beli ni Inila,
37 Bezele, Hodi, Sama, Silisa, Italane ni Behela.
38 O an’a Jetéle enya: Jefune, Pispa ni Ala.
39 O an’a Ula enya: Ala, Haniyele ni Liziya.
40 Yá ene o an’a Azele exile o atwameni a miji, mazonda a ita. Kala kya asoneka o majina mâ, ene atenesa makwinyi ayadi ni samanu a midi a masoladi akexile polondo phala kulwa o ita.
Footnotes
^ Mu Heba.: “o an’a.”
^ Mu Heba.: “o an’a.”
^ Dijina didi dilombolola “divuwa.”
^ Dijina didi dilombolola “Jihova mubhuludi.”
^ Mba nange, “Ngaza.” Maji bhabha kiyamulombolola o Ngaza ya akwa Fidíxa.
^ A mwixana we Somele mu velusu ya 32.
^ Nange mwene o muthu umoxi a mutumbula mu velusu ya 32 kala Hotane.
