Dya Dyanga Dya Malunda 9:1-44
9 O akwa Izalayele a asoneka o majina mâ kala kyatokala ku miji yâ mu Divulu dya Jisobha ja Izalayele. O akwa Judá a abalakala ku Babilonya mukonda dya ituxi yâ.
2 Amoxi ku akwa Izalayele ni Jilevita ni akunji ni akalakadi* a tembulu ene adyangela kuvutuka ku jimbanza jâ ni ku ima yâ yaxisa.
3 Amoxi ku mbutu ya Judá, ya Bejamí, ya Efalayime ni ya Manasa ayi mutunga mu Jeluzaleme, enya:
4 Utayi mon’a Amihudi, Amihudi mon’a Omidi, Omidi mon’a Inidi, Inidi mon’a Bani. Enyoso exile mbutu ya Peleji, mon’a Judá.
5 Ku mbutu ya akwa Silo kwexile Azayiya, o mona wa dyanga ni an’ê.
6 Ku an’a Nzelá kwexile Jeyele ni hama asamanu ni makwinyi avwa a jiphange jê.
7 Ku mbutu ya Bejamí kwexile Salu mon’a Melulane, Melulane mon’a Hodaviya, Hodaviya mon’a Senuwa.
8 Inineya wexile mon’a Jelohamu, Jelohamu wexile mon’a Elahe, Elahe wexile mon’a Uzi, Uzi wexile mon’a Mikidi, Mikidi wexile mon’a Melulane, Melulane wexile mon’a Sefatiya, Sefatiya wexile mon’a Luwele, Luwele wexile mon’a Ibinija.
9 O jiphange jâ a asoneka o majina mâ kala kyatokala ku miji yâ, atenesa hama avwa makwinyi atanu ni samanu. O mayala oso yá exile atwameni a miji yâ.
10 O akunji enya: Jadaya, Joyadibe, Jakini;
11 Azadiya wexile mon’a Hilikiya, Hilikiya wexile mon’a Melulane, Melulane wexile mon’a Zadoke, Zadoke wexile mon’a Melayote, Melayote wexile mon’a Ahitube, o mutwameni wa inzo* ya Nzambi yakidi.
12 Adaya wexile mon’a Jelohamu, Jelohamu wexile mon’a Pasule, Pasule wexile mon’a Malekiya, Malekiya wexile mon’a Masayi, Masayi wexile mon’a Adiyele, Adiyele wexile mon’a Jazela, Jazela wexile mon’a Melulane, Melulane wexile mon’a Mizilemite, Mizilemite wexile mon’a Imele.
13 O jiphange jâ, o atwameni a miji, atenesene midi hama asambwadi ni makwinyi asamanu a mayala a nguzu exile ni kutena kwa kubhanga o ikalakalu mu inzo ya Nzambi yakidi.
14 Ku akwa Levi kwexile Semaya mon’a Hasube, Hasube wexile mon’a Azedikame, Azedikame wexile mon’a Hasabiya. Enyoso yá exile mbutu ya akwa Meladi.
15 Bakabakale, Hele, Ngalale, Mataniya mon’a Mika, Mika mon’a Zikidi, Zikidi mon’a Azafe.
16 Azafe mon’a Obadiya, Obadiya mon’a Semaya, Semaya mon’a Ngalale, Ngalale mon’a Jedutune, Jedutune mon’a Belekiya, Belekiya mon’a Aza, Aza mon’a Elikana watungile mu jisanzala ja akwa Notofa.
17 O alangidi a mabhitu, enya: Salume, Akube, Talumone ni Ahimane. Salume phang’yâ mwene wexile o mutwameni.
18 Kate mu thembu yenyoyo, ene exile mulangidila o mwelu wa inzo ya sobha, ku mbandu kutundila o dikumbi, o ididi mwakexile o akwa Levi.
19 Salume wexile mon’a Kole, Kole wexile mon’a Ebiyazafe, Ebiyazafe wexile mon’a Kolá. O jiphange jê ku katata, o akwa Kolá ene exile ni kikalakalu kya kulangidila o mwelu wa balaka. O jikuku jâ ene exile ni kikalakalu kya kulangidila o mwelu wa balaka ya Jihova.
20 M’ukulu Fineya mon’a Eliyazale mwene wexile o mutwameni wâ, Jihova wexile-nê.
21 Zakadiya mon’a Mezelamiya, mwene wexile mulangidila o balaka ya kudyongekela.
22 Athu oso a asolele phala kukala alangidi a mwelu, atenesene hama jiyadi ni kwinyi ni kiyadi kya athu. Ene atungile mu jisanzala jâ, kala kyasoneka o majina a miji yâ. Ene a asolele kwa Davidi ni Samuwele, o mukwa kumona o isumwa, phala kubhanga o kikalakalu kiki, mukonda a adyelele.
23 Ene ni an’â, exile ni kikalakalu kya kulangidila o mwelu wa inzo ya Jihova, kifwa, o balaka.
24 Ku jimbandu jiwana kwexile alangidi: Ku mbandu kutundila o dikumbi, ku mbandu kufwila o dikumbi, ku mbandu ya thunda ni ku mbandu ya lwiji.
25 Mu kithangana ni kithangana, o jiphange jâ exile mutunda mu jisanzala jâ, phala kwiza mukalakala kumoxi ni ene mu sambwadi dya izuwa.
26 Kwakexile alangidi awana akexile ni ungana,* a adyelele kyavulu. Ene exile akwa Levi, akexile ni kikalakalu kya kulangidila o maxilu ni imbamba yoso yavalolo mu inzo ya Nzambi yakidi.
27 Exile mubhita o usuku, bhwa zukamene ni inzo ya Nzambi yakidi, mukonda ene exile ni kikalakalu kya ku ilangidila, exile we ni sabhi phala kujikula o mabhitu a inzo imene yoso.
28 Amukwa exile ni kikalakalu kya kulangidila o itutu yexile mu kalakala-nayu. Ene exile mu ikondala kyoso kyexile mu ikatula ni kyoso kyexile mu ivutula.
29 Amukwa, exile mulangidila o itutu, kifwa o itutu yoso ikôla ni fadinya yafina ni vinyu ni máji ni wasu wadizumba ni máji a bálsamu.
30 Amoxi ku an’a jipolofeta exile mubhanga o máji a mazumba ni máji a bálsamu.
31 Matitiya mukwa Levi, o mona wa dyanga wa Salume mukwa Kolá, wexile ni kikalakalu kya kulanga o jibolo, mukonda a mudyelele kyavulu.
32 Amoxi ku jiphange jê akwa Kohate, exile ni kikalakalu kya kubhanga jimbolo jikôla, jisábhalu joso.
33 Yá ene o jingimbidi, o atwameni a jinzo ja akwa Levi akexile mu maxilu. Ene kexile mubhanga ikalakalu yengi, mukonda atokalele kubhanga o ikalakalu yâ, usuku ni mwanya.
34 Yá ene o atwameni a mwiji wa akwa Levi, a asoneka kala kyatokala ku miji yâ. Ene atungile mu Jeluzaleme.
35 Jehiyele tata ya Ngibiyone, watungile ku Ngibiyone. O dijina dya muhat’wê Mahaka.
36 O mon’ê wa dyanga wexile Abadoni, ku kwa kayela Zule, Kiji, Bahale, Nele, Nadabe,
37 Ngedole, Ahiyo, Zakadiya ni Mikelote.
38 Mikelote wexile tata ya Ximiyame, enyoso atungile mu Jeluzaleme kumoxi ni jiphange jâ jamukwa.
39 Nele wexile tata ya Kiji, Kiji wexile tata ya Sawulu, Sawulu wexile tata ya Jonatá, Jonatá wexile tata ya Malekizuwa, Abinadabe ni Eze-Bahale.
40 Jonatá wexile tata ya Medibe-Bahale, Medibe-Bahale wexile tata ya Mika.
41 O an’a Mika enya: Pitone, Meleke, Taleya ni Akaji.
42 Akaji wexile tata ya Jahela, Jahela wexile tata ya Azemavete ni ya Nzidi. Nzidi wexile tata ya Moza,
43 Moza wexile tata ya Bineya, Bineya wexile tata ya Lefaya, Lefaya wexile tata ya Eleyaza, Eleyaza wexile tata ya Azele.
44 Azele wexile ni ana samanu. O majina mâ enya: Azedikame, Bakulu, Ijimayele, Sehadiya, Obadiya ni Hanane. Yá ene exile o an’a Azele.
