Jozuwé 12:1-24
12 Jiji jene o jisobha jatolola akwa Izalayele, a atambula o jixi jâ ku mbandu ku tundila o dikumbi ya Njolodá, tunde mu honga ya Anone kate ku mulundu wa Helemone, ni mbandu yoso ku tundila o dikumbi ku Halabá.
2 Sihone o sobha ya akwa Mamodi watungile ku Hexebone, wexile mutumina kate ku mbanza ya Alowele yexile ku mbandu ya honga ya Anone, tunde bhukaxi ka honga ni mbandu ya ixi ya Ngiliyade, kate mu honga ya Jaboke bhwasukile o mbambe ya akwa Amone.
3 Mwene we wexile mutumina ku Halabá kate ku mbandu ku tundila o dikumbi wa musanza wa kalunga wa Kinelete,* ndu ku mbandu ku fwila o dikumbi wa musanza wa kalunga wa Halabá, o Musanza wa Môngwa, mu kuditela ku Bete-Jeximote ku mbandu ya lwiji ni ku mbandu ya mulundu wa Pixika.
4 Watambula we o mbanza ya Basane exile mu itumina kwa sobha Hoge, wasubhukile ku mbutu ya akwa Lafayime watungile ku Axitalote ni ku Edileyi.
5 Wexile we mutumina ku mulundu wa Helemone, ku Sálaka ni Basane yoso, kate bhwasuku o mbambe ya akwa Jesule ni akwa Makata, ni mbandu ya Ngiliyade kate mu mbambe ya Sihone, o sobha ya Hexebone.
6 Mozé o selevende ya Jihova ni akwa Izalayele, atolola o jinguma jâ. Mukusuluka, Mozé o selevende ya Jihova wabhana o ixi yâ kala undundu ku akwa Lubene, ku akwa Ngade ni ku mbandu ya mwiji wa Manasa.
7 Jiji jene o jisobha jatolola Jozuwé ni akwa Izalayele ku mbandu ku fwila o dikumbi ya Njolodá, tunde ku Bahale-Ngadi, ni mu honga ya Libanu kate ku mulundu wa Hakila wayile kate ku Seyile. Yiyi yene o ixi yabhana Jozuwé ku miji ya akwa Izalayele kala undundu mu kwa wanena mudyâ,
8 ni mu jimbanza jexile ku milundu ku Sefelá, ku Halabá, mu jimbandu ja milundu ni mu kikangalakata kya Nengebe, o ixi ya akwa Hiti, o ixi ya akwa Mamodi, o ixi ya akwa Kanana, o ixi ya akwa Mapelezi, o ixi ya akwa Mahivi ni ixi ya akwa Jebuze.
9 Enyoso enyá: Sobha ya Jedikó umoxi, o mukwa sobha ya Hayi wexile ku mbandu ya Betele.
10 Umoxi sobha ya Jeluzaleme, o mukwa sobha ya Hebolone.
11 Umoxi sobha ya Jalemute, o mukwa sobha ya Lakiji.
12 Umoxi sobha ya Engolone, o mukwa sobha ya Ngezele.
13 Umoxi sobha ya Ndebile, o mukwa sobha ya Njedele.
14 Umoxi sobha ya Holoma, o mukwa sobha ya Alade.
15 Umoxi sobha ya Libina, o mukwa sobha ya Adulamu.
16 Umoxi sobha ya Makeda, o mukwa sobha ya Betele.
17 Umoxi sobha ya Tapuwa, o mukwa sobha ya Hefele.
18 Umoxi sobha ya Afeke, o mukwa sobha ya Lazalone.
19 Umoxi sobha ya Mandone, o mukwa sobha ya Hazole.
20 Umoxi sobha ya Ximilone-Melone, o mukwa sobha ya Akezafa.
21 Umoxi sobha ya Tahanake, o mukwa sobha ya Mejidu.
22 Umoxi sobha ya Kadexi, o mukwa sobha ya Jokeneyame, o mukwa sobha ya Kalumelu.
23 Umoxi sobha ya Ndole ku mbandu ya Ndole, o mukwa sobha ya Ngoyími ku Jidingale.
24 Umoxi sobha ya Tidiza. Enyoso atenesa makwinyi atatu ni umoxi.
Footnotes
^ Kifwa, o kizanga kya Jenezalé, mba o musanza wa kalunga ka Ngalileya.
