Ejidala 10:1-44
10 Kyoso Ejidala kyexile musamba ni kufisala, yu wafukamene ni kudila bhu pholo ya Nzambi yakidi, o kifuxi kya akwa Izalayele, mayala, ahatu ni ana-ndenge, kya mubhongolokela. O mundu anga ukala mudila kyavulu.
2 Bhenyobho, Sekaniya mon’a Jiyele ku an’a Elame, wambela Ejidala, wixi: “Kitwalondekesa ufiyele kwa Nzambi yetu, mukukazala ni ahatu akwa jixi jengi, atokala ku miji ya jixi jatukondoloka. Maji né kiki, sayi hanji kidyelelu phala akwa Izalayele.
3 Kindala-phe, tute kikutu ni Nzambi yetu, phala kusenga o ahatu oso, aye ni twana twâ, kala kyatutendelesa Jihova ni kwa yó abelesela* o kitumu kya Nzambi yetu. Tubeleselyenu o Kijila.
4 Eye-phe balumuka, mukonda éye mwene watokala kubatula o maka yá. Etu twanda kukwatekesa. Swina, ubhange kyenyiki.”
5 Kyenyiki, Ejidala wabalumuka, yu wabhangesa o atwameni a akunji, o Jilevita ni Izalayele yoso kuloka kwila, eji kumbidila mwene yoso yazwelele. Ene anga aloka.
6 Ejidala utunda mu inzo ya Nzambi yakidi anga uya mudixilu* dya Jowanane mon’a Eliyazibe. Sumbala kwene kwayi, mwene kadi mbolo, kanu menya, kuma waluwalele kyavulu mukonda dya mundu a akwikile ya avutuka kukamba ufiyele.
7 Mukusuluka, abhana o ngolokela mwa Judá ni mu Jeluzaleme, phala enyoso a akwikile ya avutuka kudyongeka mu Jeluzaleme.
8 O ilamba ni tufunga anga atangela o mundu kwila, woso ukamba kuya-ku mu izuwa itatu, eji mutambula o jimbote jê, eji mukaya mwaxaxi ka mundu a akwikile ya avutuka.
9 Bhenyobho, mu izuwa itatu o mayala oso a mwiji wa Judá ni a mwiji wa Bejamí adibhongolola mu Jeluzaleme mu kizuwa kya makwinyi ayadi ya mbeji ya kavwa. Mundu woso anga uxikama mu kithádi kya inzo ya Nzambi yakidi, akexile muteketa mukonda dya maka eji zwela, ni mukonda dya mvula yavulu.
10 Bhenyobho o mukunji Ejidala anga ubalumuka yu wa ambela, wixi: “Enu mwatondala mu kukazala ni ahatu a jixi jengi. Mu kubhanga kiki, mwabandekesa mu kikuma kya Izalayele.
11 Kindala fisalenu o kituxi kyenu kwa Jihova, o Nzambi ya jikuku jenu, ni mubhange o vondadi yê. Ki mudibunde ni athu a jixi jengi, o ahatu a jixi jengi, dimwangununyenu-nawu.”
12 Kyenyiki, o kilunga kyoso kyatambwijila ni dízwi dyaswina, exi: “Kyene mwene. Yoso i wazwela, yene mwene i twatokala o kubhanga.
13 Maji bhabha bhwala athu avulu. Twala we mu thembu ya mvula. Kitwanda tena kukala bhu kanga. O maka yá kanda kwabatula mu kizuwa kimoxi mba izuwa iyadi. Mukonda twatondala mwene kyavulu mu maka yá.
14 Kyenyiki, twa kudyondo, ehela o ilamba yetu kuzwelela bhu kididi kya kilunga kyoso. Athu oso ala mu mbanza yetu akazala ni ahatu a jixi jengi, eze mu kizuwa kyengi, kumoxi ni tufunga ni afundixi a jimbanza phala o njinda ya Nzambi yetu yeza mukonda dya maka yá, isosoloke.”
15 Maji-phe, Jonatá mon’a Azayele ni Jehaziya mon’a Tikiva, kaxikina o kixinganeku kiki. Melulane ni Sabetayi akwa Levi, kaxikina we o maka yá.
16 Maji o yó a akwikile ya avutuka, abhange mwene yoso yaxikinine o kubhanga. Ejidala o mukunji ni atwameni a miji, enyoso mu majina mâ, adyongeka ubheka wâ mu kizuwa kya dyanga kya mbeji ya kakwinyi phala kutokwesa o maka.
17 Mu kizuwa kya dyanga kya mbeji ya dyanga, azubha kubatula o maka oso alungu ni mayala akazalele ni ahatu akwa jixi jengi.
18 Asange-ku we an’a akunji akazalele ni ahatu akwa jixi jengi. Ku an’a Jesuwa, mon’a Jozadake ni ku jiphange jê, Mahaseya, Eliyezele, Jadibe ni Jedaliya.
19 Maji ene akanena kusenga o ahat’wâ, ni kwila, mukonda dya kituxi kyâ, ejikatula mbudi mu kibhanga phala ku ibhakula, mukonda dya kikuma kyâ.
20 Ku an’a Imele, Hanani ni Zebadiya;
21 ku an’a Hadimi, Mahaseya, Elija, Semaya, Jiyele ni Uziya;
22 ku an’a Pasule, Elonayi, Mahaseya, Ijimayele, Netanayele, Natanele, Jozabade ni Eleyaza.
23 Ku an’a Levi, Jozabade, Ximeyi ni Kelaya, (kifwa, Kelita) Petaya, Judá ni Eliyezele;
24 ku jingimbidi, Eliyazibe; ku akwa kujikula o mabhitu, Salume, Teleme ni Udi.
25 Ku akwa Izalayele, ku an’a Paloji, kwexile Lamiya, Jeziya, Malekiya, Mihamine, Eliyazale, Malekiya ni Benaya;
26 ku an’a Elame, Mataniya, Zakadiya, Jiyele, Abidi, Jelemote ni Elija;
27 ku an’a Zatu, Elonayi, Eliyazibe, Mataniya, Jelemote, Zabadi ni Aziza;
28 ku an’a Bebayi, Jowanane, Hananiya, Zabayi ni Atalayi;
29 ku an’a Bani, Melulane, Maluke, Adaya, Jasube, Seyale ni Jelemote;
30 ku an’a Pahate-Mowabe, Adena, Kelale, Benaya, Mahaseya, Mataniya, Bezalele, Binuwi ni Manasa;
31 ku an’a Hadimi, Eliyezele, Isija, Malekiya, Semaya, Ximinyá,
32 Bejamí, Maluke ni Semadiya;
33 ku an’a Hasune, Mathanayi, Matata, Zabadi, Elifelete, Manasa ni Ximeyi;
34 ku an’a Bani, Mahadayi, Amelame, Wele,
35 Benaya, Bedeya, Keluhi,
36 Vaniya, Melemote, Eliyazibe,
37 Mataniya, Mathanayi, ni Jahasayi;
38 ku an’a Binuwi, Ximeyi,
39 Selemiya, Natane, Adaya,
40 Makinadibayi, Sasayi, Salayi,
41 Azaliyele, Selemiya, Semadiya,
42 Salume, Amadiya ni Zuze;
43 ku an’a Nebu, Jehiyele, Matitiya, Zabadi, Zebina, Jadayi, Jowele ni Benaya.
44 Enyoso yá akazalele ni ahatu akwa jixi jengi, ene anga a asenga, o ahatu anga aya ni twana twâ.
