Ejidala 2:1-70
2 Yá ene o mayala atundile mu kibatu,* a ambatele ku ixi yengi a akwikile kwa Nabukodonozolo Sobha ya Babilonya, ene avutuka mu Jeluzaleme ni mu Judá kala muthu mu mbanza yê.
2 Ene eza kumoxi ni Nzolobabele, Jesuwa, Nehemiya, Selaya, Dilaya, Moledekayi, Bilisane, Mixipale, Bikivayi, Lehu ni Bahana.
Ku mayala akwa Izalayele kwexile we:
3 Ku an’a Phalu, midi jiyadi ni hama ni makwinyi asambwadi ni kiyadi;
4 ku an’a Sefatiya, hama jitatu ni makwinyi asambwadi ni kiyadi;
5 ku an’a Alá, hama sambwadi ni makwinyi asambwadi ni kitanu;
6 ku an’a Pahate-Mowabe mu an’a Jesuwa ni Johabe, midi jiyadi ni hama nake ni dikwinyi ni kiyadi;
7 ku an’a Elane, midi ni hama jiyadi ni makwinyi atanu ni kiwana;
8 ku an’a Zatu, hama vwa ni makwinyi awana ni kitanu;
9 ku an’a Zakayi, hama sambwadi ni makwinyi asamanu;
10 ku an’a Bani, hama jisamanu ni makwinyi awana ni kiyadi;
11 ku an’a Bebayi, hama jisamanu ni makwinyi ayadi ni kitatu;
12 ku an’a Azengadi, midi ni hama jiyadi ni makwinyi ayadi ni kiyadi;
13 ku an’a Adonikane, hama jisamanu ni makwinyi asamanu ni samanu;
14 ku an’a Bikivayi midi jiyadi ni makwinyi atanu ni samanu;
15 ku an’a Adimi, hama jiwana ni makwinyi atanu ni kiwana;
16 ku an’a Atele, ku mwiji wa Hezekiya, makwinyi avwa ni dinake;
17 ku an’a Bazayi, hama jitatu ni makwinyi ayadi ni kitatu;
18 ku an’a Jola, hama ni dikwinyi ni kiyadi;
19 ku an’a Hasune, hama jiyadi ni makwinyi ayadi ni kitatu;
20 ku an’a Jibale, makwinyi avwa ni kitanu;
21 ku an’a Beleme, hama ni makwinyi ayadi ni kitatu;
22 o mayala akwa Notofa, makwinyi atanu ni samanu;
23 o mayala akwa Anatote, hama ni makwinyi ayadi ni dinake;
24 ku an’a Azemavete, makwinyi awana ni kiyadi;
25 ku an’a Kidyate-Hadimi ni Kefila, ni Biyadote, hama sambwadi ni makwinyi awana ni kitatu;
26 ku an’a Lama ni Jeba, hama jisamanu ni makwinyi ayadi ni umoxi;
27 o mayala akwa Mikima, hama ni makwinyi ayadi ni kiyadi;
28 o mayala akwa Betele ni akwa Hayi, hama jiyadi ni makwinyi ayadi ni kitatu;
29 ku an’a Nebu, makwinyi atanu ni kiyadi;
30 ku an’a Mangobi, hama ni makwinyi atanu ni samanu;
31 ku an’a Elane dya mukwa, midi ni hama jiyadi ni makwinyi atanu ni kiwana;
32 ku an’a Hadimi, hama jitatu ni makwinyi ayadi;
33 ku an’a Lode, Hadide ni Hono, hama sambwadi ni makwinyi ayadi ni kitanu;
34 ku an’a Jedikó, hama jitatu ni makwinyi awana ni kitanu;
35 ku an’a Sena, midi jitatu ni hama jisamanu ni makwinyi atatu.
36 O akunji: ku an’a Jedaliya ku mwiji wa Jesuwa, hama vwa ni makwinyi asambwadi ni kitatu;
37 ku an’a Imele, midi ni makwinyi atanu ni kiyadi;
38 ku an’a Phasulu, midi ni hama jiyadi ni makwinyi awana ni sambwadi;
39 ku an’a Hadimi midi ni dikwinyi ni sambwadi.
40 O Jilevita: ku an’a Jesuwa ni Kadimiyele ni ku an’â Hodaviya, makwinyi asambwadi ni kiwana.
41 O jingimbidi: ku an’a Azafe, hama ni makwinyi ayadi ni dinake.
42 O an’a ajikwidi a mabhitu: ku an’a Salume ni Atele, ni Talumomo, ni Akube, ni Hatita, ni Sobayi, ene oso kya atenesa hama ni makwinyi atatu ni divwa.
43 O akalakadi a tembulu:* o an’a Ziya, o an’a Hasufa ni an’a Tabawote,
44 ni an’a Kelu ni an’a Siyaha ni an’a Padone,
45 ni an’a Lebana, ni an’a Hangaba, ni an’a Akube,
46 ni an’a Hangabe, ni an’a Salamayi, ni an’a Hanane,
47 ni an’a Jidele, ni an’a Ngahali, ni an’a Diyaya,
48 ni an’a Lesine, ni an’a Nekoda, ni an’a Ngazame,
49 ni an’a Uza, ni an’a Pazeya, ni an’a Bezayi,
50 ni an’a Ajina, ni an’a Mewenime, ni an’a Jinefuzewu,
51 ni an’a Bakibuke, ni an’a Hakufa, ni an’a Halulu,
52 ni an’a Bazelute, ni an’a Meyada, ni an’a Halasa,
53 ni an’a Báluku, ni an’a Sisela, ni an’a Temá,
54 ni an’a Neziya, ni an’a Hatifa.
55 An’a jiselevende ja Solomá: o an’a Sotayi, o an’a Sofetele, o an’a Pheluda,
56 o an’a Jahala, o an’a Dakone, o an’a Jidele,
57 o an’a Sefatiya, o an’a Hatili, o an’a Phoketele-Hazebayime, ni an’a Ami.
58 O akalakadi oso a tembulu, ni an’a jiselevende ja Solomá, ene oso atenesa hama jitatu ni makwinyi avwa ni kiyadi.
59 Oso abande ku Tele-Mela, ni ku Tele-Hasa ni ku Kilube, Adane, ni ku Imele, maji katena kulondekesa o mwiji wa jitata jâ mwa avwalela, phala kwijiya se exile mwene akwa Izalayele mba kana, enya:
60 o an’a Delaya, o an’a Tobiya, ni an’a Nikodya, oso atenesa hama jisamanu ni makwinyi atanu ni kiyadi.
61 O an’a akunji: o an’a Habaya, o an’a Haku, o an’a Badizilayi wa kazalele ni mona a muhatu ku an’a Badizilayi mukwa Ngiliyade, ya a mulukile o dijina dya mwiji wenyu.
62 Ene oso yá, asoto mu madivulu o majina kwatundu o miji yâ, maji o majina mâ ka asange. Mukiki ka ehela kusidivila kala akunji.*
63 O nguvulu* wa afidisa kudya o ima ikôla, kate kyeji sola o mukunji ukala ni Udimi ni Tumini.
64 Athu oso atenesene makwinyi awana ni kiyadi kya jimidi, ni hama jitatu ni makwinyi asamanu,
65 o abhika a mala ni abhika a ahatu ka atange, atenesene sambwadi dya midi, ni hama jitatu ni makwinyi atatu ni sambwadi; kwexile we hama jiyadi ja jingimbidi ja mala ni ja ahatu.
66 O jikabalu jâ, jakexile hama sambwadi ni makwinyi atatu ni samanu, o jimula, hama jiyadi ni makwinyi awana ni kitanu,
67 o jikamelu hama jiwana ni makwinyi atatu ni kitanu, o jijumendu, midi jisamanu ni hama sambwadi ni makwinyi ayadi.
68 Kyoso kyabhixila mu inzo ya Jihova mu Jeluzaleme, amoxi ku atwameni a miji, abhana maujitu mu vondadi yâ ni muxima woso, phala o inzo ya Nzambi yakidi, phala yene a itunge dingi bhu kididi kyê.
69 Kala muthu kyoso kyatena abhana phala o kikalakalu kya kutunga, makwinyi asamanu a jimidi a jidalakama* ja ulu ni midi jitanu ja jimina* ja phalata, ni hama ya izwatu phala o akunji.
70 Mukyenyiki, o akunji ni Jilevita ni amoxi atokalele ku mundu, ni jingimbidi ni ajikwidi a mabhitu, ni akalakadi a tembulu ayi mutunga mu jimbanza jâ. Athu oso amukwa atokala ku kifuxi kya Izalayele ayi mutunga mu jimbanza jâ.
Footnotes
^ Mba nange, o “kibatu” kya Babilonya.
^ Mba, “o jinetinewu.”
^ Mba, “ka ehela kusidivila kala akunji mukonda kexile athu azele.”
^ Mba, “Tirsata”, mu utuminu wa Pélesa exile mubhana o dijina didi ku muthu utumina o mbanza.
^ O dalakama imoxi yasokele ni dariku imoxi ya ulu ya kitadi kya akwa Pélesa, yexile mu nema 8,4 a jigrama. O dalakama yiyi kiyene imoxi ni yotumbule mu Mikanda ya Ngeleku. Tala o Kiba. B14.
^ Mu Mikanda ya Hebalayiku o mina imoxi yasole 570 a jigrama. Tala o Kiba. B14.
