Jona 2:1-10
2 Kyenyiki, kyoso Jona kyakexile mu mala dya mbiji, wasambe kwa Jihova Nzambi yê,
2 Wixi:
“Mukutata kwami ngadikola kwa Jihova, mwene anga u ngivwa.
Kyoso ki ngexile mufwa ngadikola kokwê mu kubhinga kikwatekesu.
Eye wa ngivu.
3 Kyoso ki wa ngitakula mwazongo, bhu hole ya musanza wa kalunga,Ngaboba mu menya.
O mabhuku mê oso a nguzu, a ngibhiti ku thandu.
4 Eme ngambe: ‘A ngikaye ku pholo yé.
Kyebhi ki nganda tena dingi kutala o tembulu yé ikôla?’
5 Ngaboba mu menya, ngejifwa;O menya azongo a ngikondoloka.
O indandawiji* yadikutakuta ku mútwe wami.
6 Ngaboba kate koxi a musanza wa kalunga.*
Ngadivu kala a ngifundile kya mu mbila ni kukala-mu kate ku hádya ni hadyá.
Maji eye wa ngibhulula, kyedile kala wa ngifukununa mu mbila, Eye u Jihova Nzambi yami.
7 Kyoso ki ngakexile mufwa ngalembalala Jihova.
O musambu wami wabhixila kokwé, mu tembulu yé ikôla.
8 O athu abheza o iteka yakambe o valolo, a disandula kwa Nzambi ulondekesa o henda yakidi.
9 Maji eme-phe nganda kubhakwila jisata ni ku kuximana ni izwelu yami.
Yoso i ngakanena, nganda ifuta.
O ubhulukilu utunda kwa Jihova.
10 Kyenyiki, Jihova watumina o mbiji kulusa Jona, yene anga ilusa Jona ku mavu akukuta.
