O athu a mesena kukala ku mbandu ia Utuminu ua Nzambi, a tokala kuijiia ioso ia lungu ni Utuminu iú, ni ihi iene mu bhanga. Mukonda diahi? Kiki, ki kia-nda kolesa ngó o kixikanu kiâ kia kuila o Utuminu ua Nzambi ua mu tumina kiá, maji a-nda tena ué kulonga o njimbu iambote ia lungu ni Utuminu ua Nzambi. (Jis 45:1; 49:3) Kioso ki u tala o vidiu Hama ia Mivu—ia Utuminu ua Nzambi, sota o itambuijilu ia ibhuidisu íii:

1. Mukonda diahi o “Foto Drama da Criação” iexile dibesá phala ió a i monene?

2. Kiebhi o mutelembe, ua kuatekesa kuboka o njimbu iambote?

3. Jindunge jebhi ja kexile mu boka na-ju, ni mbote iahi ia tambula?

4. Kiebhi kiene mu tu kuatekesa kuboka ni uhete, lelu?

5. Milongi iebhi ia bhana phala o jiphange a bhanga o Xikola ia Ngiliiade?

6. Mbote iahi iene mu katula o mundu ua Jihova, mu iônge ia makota?

7. Ihi i kubhangesa kuxikina kuila, o Utuminu ua Nzambi ua mu tumina kiá?

8. Kiebhi ki tu tena kukuatekesa o Utuminu ua Nzambi?