UENDELU UA UKIDISTÁ
“Eme’ami-ú, Ngana, Ngi Tume Eme!”
O ukexilu ua Izaia ua kudibhakula, phangu iambote ia kukaiela.Muéne ua londekesa kixikanu, ua xikina ni lusolo kuia mu kuatekesa sumbala kejiidile kuebhi kuej’ia ni ihi ieji bhanga. (Iz 6:8) O kuila u tena kusosolola o ukexilu ua muenhu ué phala kusidivila mu ididi mua bhindamena dingi aboki a Utuminu? (Jis 110:3) Mu kidi, kubhinga ‘kuxinganeka se uala ni kia soko’ phala kuia. (Lu 14:27, 28) Kala polondo phala kubhanga ioso i u tena mu kikalakalu kia kuboka. (Mat 8:20; Mar 10:28-30) Kala kia londekesa o vidiu, Kusidivila mu Ididi Mua Bhindamena Aboki, o mabesá u u tambula kua Jihova a somboka o ima i tu bhakula kua muéne.
KIOSO KI MUA-NDA ZUBHA KUTALA O VIDIU, TAMBUIJILENU O IBHUIDISU ÍII:
-
Ihi ia bhange o muiji ua phange Williams phala kusidivila ku Equador?
-
Ihi ia xinganeka ene ande dia kusola o kididi kueji sidivila?
-
Mabesá ebhi a tambula?
-
Kuebhi ku u tena kusanga milongi ia lungu ni kusidivila mu ididi mua bhindamena dingi aboki?
MU UBHEZELU UÉ KU MUIJI UIZA-MU, ZUELA IA LUNGU NI IBHUIDISU ÍII:
-
Kiebhi o muiji uetu ki u tena kusanzumuna o ukunji? (km 8/11 4-6)
-
Se ki tu tena kusidivila kua bhindamena dingi aboki, kiebhi ki tu tena kukuatekesa mu kilunga mu tua mu sidivila? (w16.03 3-5)
