UENDELU UA UKIDISTÁ
Kubandekesa o Uhete Uetu mu Ukunji
MUKONDA DIAHI KIMA KIAMBOTE KUBHANGA KIKI: O athu a tokala kudilonga o itumu ia Jihova, ni ku i belesela ku muenhu uâ phala Nzambi kuxikina o ubhezelu uâ. (Iza 2:3,4) O divulu “Henda ia Nzambi,” diene o divulu dietu dia kaiiadi dia kulonga na-diu, di kuatekesa o maxibulu a Bibidia kuxinganeka kiebhi kia tokala kukumbidila o itumu ia Bibidia mu kizuua ni kizuua. (Jih 5:14) Kioso ki tu longa o athu, tua tokala kubhanga ioso phala o milongi kutula ku mixima iâ, phala ene n’a lungulule o ukexilu uâ mudiâ.
KIEBHI KI TU BHANGA KIKI:
-
Dipelepalale kiambote, xinganeka mu ibhindamu ia dixibulu dié. Bhanga ibhuidisu ia kuxinganeka, phala ku ku kuatekesa kumona ihi ibanza ni kiebhi kia divua muéne, ia lungu ni milongi i mua mu dilonga.
—Ji 20:5;be 259 -
Dilonge-nê o jikaxa jala mu divulu phala kukuatekesa o dixibulu kumona o valolo ia kukumbidila o itumu ia Bibidia
-
Kuatekesa o dixibulu dié kuxinganeka mu maka a lungu ni kitongoluelu, maji kana kubatula maka a mu tokala.
—Ng 6:5 -
Ni masunga oso, iala kiambote se dixibulu dié, ua bhingi hanji kikuatekesu phala kukumbidila kitumu kia Bibidia. Ni henda ioso, mu suinise kulungulula o ukexilu uê, mukonda dia henda iê kua Jihova.
—Ji 27:11; Nz 14:31
