Jezú wa bhana o mwenyu wê phala kubhulula akwá ituxi. (Lo 5:8) Sé phata tu sakidila kyavulu Jezú mu ku tu londekesa henda mu kubhana o mwenyu wê phala ku tu bhulula. Mu kiki sayi ithangana, twa tokala ku di lembalala kwila, Jezú wafu phala kubhulula we o jiphange jetu. Kyebhi ki tu tena kulondekesa o henda ku jiphange jetu akwa ituxi kala etu, mu kukayela o phangu ya Jezú? Tu mone mawukexilu atatu. Wa dyanga, mu kubhanga ukamba ni jiphange, katé mwene ni yó kala ni ukexilu wa difu ni wetu mba jiphange akwa jixi jengi. (Lo 15:7; 2Ko 6:12, 13) Wa kayadi, mu kudilanga phala ki tu zwele mba kubhanga kima ki tena ku luwalesa akwetu. (Lo 14:13-15) Mu kusuka-ku, se muthu u tu bhanga kyayibha, tu tena ku mu loloka ni lusolo. (Lu 17:3, 4; 23:34) Se tu bhanga yoso i tu tena phala kukayela o phangu ya Jezú mu maka yá, Jihova wa-nda suluka mu kubesowala o kilunga ni paze ni henda.

TALA O VIDYU, TALA O JIPHANGE MU UKEXILU WAMBOTE! MU KUSULUKA TAMBWIJILA O IBHWIDISU YA KAYELA:

• Kudimatekenu kyebhi phange Miki kya divu mu kilunga?

• Ihi ya mu bhangesa kulungulula o ibanzelu yê?

• Kyebhi o phangu ya Jezú ya kwatekesa phange Miki, kulungulula o ibanzelu yê? (Mar 14:38)

• Kyebhi o divulu dya Jisabhu 19:1, di tena ku tu kwatekesa kumona o Jiphange jetu mu ukexilu wambote?