O divulu I Tu Longa ni divulu Bibidia I Longa, a difu. O madivulu a iiadi iá, jifalamenda ja kulonga na-ju, jene jilondekesa o kidi kia Bibidia mu ukexilu umoxi. Maji, mu divulu I Tu Longa, muala izuelu ia bhebhuluka, o maka ka bhonzo ku a tendela. A di bhange phala ió kene mu tendela kiambote o divulu Bibidia I Longa. Mu disukilu dia divulu didi, muala ibandekesu, i tu jimbulula kiambote o izuelu ni maka o zuele kiá. Mu dimatekenu dia ibatulu ki muala ibhuidisu ia kumateka mba kaxa ia kubhitulula. Mu veji dia kiki, o ibatulu i suka ni mbandu iambe: jipondo ja kubhitulula o milongi ia Bibidia, ia kibatulu kienhókio. Kála o divulu Bibidia I Longa, o divulu I Tu Longa, tu tena ué ku di bhana mu ithangana ioso-ioso, né muene se ki diene di tua mu bhana mu mbeji. Kiebhi ki tu tena kukalakala ni divulu I Tu Longa mu kulonga o Bibidia?

JIPONDO JA KUBHITULULA: Tu tena kulonga maxibulu avulu, ni divulu didi, mu ukexilu u tuene mu longa nau kiá ni divulu Bibidia I Longa. Kutanga o kaxi ni kubhanga o kibhuidisu kioso o muthu kia zubha kutanga. Maji se muthu kejiia kuzuela kiambote o dimi, mba kejiia kutanga kiambote, tu tena ku mu ni divulu I Tu Longa. Longa ngó o jipondo ja kubhitulula, ni ku mu suinisa kudilonga o kibatulu ubheka uê. Kala pondo ia kubhitulula tu tena ku i jimbulula mu 15 kia ithangana. O jipondo ja kubhitulula ki jala ni maka oso a moneka mu kibatulu, mukonda dia kiki o mulongexi ua tokala kudipelepalala kiambote mu kubanza mu ibhindamu ia dixibulu diê. Se o mulongexi u longa o muthu mu ukexilu ua kutanga o makaxi, o mbandu jipondo ja kubhitulula, ua tokala ku i zuela mu disukilu.

KIBANDEKESU: O milongi ni maka a moneka mu mbandu íii, io sokejeke kiambote kála ki monekena mu ibatulu. O muboki muéne uejiia se ua-nda tanga o mbandu íii mba kana, mu kulonga ni divulu I Tu Longa.