O jiphange ja ahatu abhana kikwatekesa kya dikota ku ikalakalu ya Utuminu. (Jis 68:11) Ene alonga o Bibidya ku athu avulu, asidivila kala aboki athembu yoso. Jimidi ni jimidi ja jiphange ja ahatu asidivila ku Jibetele, akunji a jixi jengi, adibhakula phala kutunga mba atungi, ni alunguludi. O jiphange ja ahatu akulu mu nzumbi, aswinisa ni kukolokotesa o miji yâ ni ilunga. (Ji 14:1) Sumbala o ahatu katena kusidivila kala tufunga mba akwatekexi a tufunga, maji ene atena kusuwa jimbambe jambote mu kilunga. Se eye u muhatu, mu maukexilu ebhi mu utena kubhana dingi kwa Jihova?

• Sota kukala ni idifwa yambote mu nzumbi.—1Ti 3:11; 1Ph 3:3-6

• Kwatekesa o jiphange ja ahatu mu kilunga kála luwa ni mauhete avulu.—Ti 2:3-5

• Sota kungastala dingi kithangana mu kuboka ni kufwamesa o ukunji wê

• Dilonge dimi dyengi

• Ndé mu kididi mwabhindamena aboki

• Soneka petisá phala kukalakala ku Betele mba kukwatekesa mu kutunda ididi ya ubhezelu ni ididi yengi

• Soneka petisá phala kubhanga o Xikola ya Akunji a Utuminu

TALA OVIDYU, “AHATU A KALAKALA NI KUSWINA KWOSO MWA NGANA,” MU KUSULUKA TAMBWIJILA O KIBHWIDISU KYA KAYELA:

• Kyebhi o ima yazwela o jiphange ja ahatu yakuswinisa?