Kuma o hadi ia dikota ia zukama, o kikalakalu kia kuboka a tokala ku ki bhanga dingi ni lusolo. (Ji 24:11, 12, 20) Phala kukuatekesa o athu, tu tena kukalakala ni jikalatá phala kua kuatekesa kuijiia o Mak’â Nzambi, mba o kijimbuete kietu. O kalatá kala ni kidimbu, kilondekesa o vidiu, Mukonda Diahi Tua Tokala ku di Longa o Bibidia? ni kixanu phala kutambula dingi kitendelesu mba ku mu longa o Bibidia. Saí athu ka xikina kutambula o madivulu metu, maji a xikina kutokuesa mu kijimbuete kietu. Kana kukala ni hele ia ku mu bhana o kalatá. Kana kuxá o kalatá, ku athu ka mesena kuívua.

Kioso ki u tunda phala kuia kuoso kuoso, u tena ué kuambata jikalatá, ni kuzuela kiki: “Ngala ni kima ki nga mesena o ku kubhana. O kalatá íii, i kuambata mu kijimbuete muala milongi, jividiu ni madivulu, eie u tena ku a katula sé kufuta kima.” (Nz 4:7) Kuma o jikalatá jofele, eie u tena ku jambata, phala ku ji bhana ku athu, se o kithangana ki bhana.