Idifwa yebhi iwawabhela dingi kwa kamba dyé? Eye nange wawabhela muthu ukala fiyele, ubhanga mbote ni mukwa kubhana. Jihova wala ni idifwa yoso yiyi. (Ma 34:6; Ik 14:17) Mwene ukwivwa kyoso kiusamba kwa mwene. Mwene ukukwatekesa kyoso kiubhindama. (Jis 18:19, 35) Mwene ukuloloka oituxi. (1Nz 1:9) Sephata Jihova dikamba dyambote!

Kyebhi kiutena kukala udikamba dya Jihova? Tanga o Bibidya phala umwijiye kyambote. Mudyelele. (Jis 62:8; 142:2) Londekesa kumwenyu wé kwila eye uximana oima yawabhela kyavulu Jihova, kala Mon’ê, Utuminu wê ni yoso yakanena okubhanga kuhadya. Tangela akwenu yoso yalungu ni Jihova. (Mate 32:3) Se usota kukala ni ukamba wambote ni Jihova, mwene wandakala we kamba dyé kate kuhadya ni hadya.—Jis 73:25, 26, 28.

TALA O VIDYU ENU MUMINZANGALA—“LOLENU, MUMONE KUMA JIHOVA MUTHU WAMBOTE,” MUKUSULUKA TAMBWIJILA O IBHWIDISU YAKAYELA:

• Kyebhi kiutena kudiyudika phala udibhakule kwa Nzambi ni kukubatizala?

• Kyebhi ojiphange mukilunga kyatena kukukwatekesa kusidivila Jihova?

• Kyebhi okuboka kuswinisa oukamba wé ni Jihova?

• Jisidivisu jebhi jiutena okubhanga mukilunga kya Jihova?

• Ihi dingi iwabeta kuzola kwa Jihova?