O Jimbangi ja Jihova ala ni ujitu wadikota. Kuma twadibhakula kya kwa Jihova ni kutubatizala, tukolokota mukukolesa o ukamba wetu ni Ngana Jihova Sukeku. Mukaxi ka Mon’ê, mwene watusungu kokwê. (Nz 6:44) Mwene wivwa o misambu yetu.—Jis 34:15.

Kyebhi kitutena kulanga kyambote o ukamba wetu ni Nzambi? Kyadyanga, Kitutokala kubhanga ima yayibha kala kyabhangele akwa Izalayele m’ukulu. Ene atele kikutu kya ukamba ni Jihova, maji kikubhiti thembu yavulu, abhange ngombe yaulu ya amateka kuibheza. (Ma 32:7, 8; 1Ko 10:7, 11, 14) Tudibhwidise mudyetu: ‘Ihi ingibhanga kyoso kyamungitendala phala kubhanga ima yayibha? Okwila o ibhangelu yami ilondekesa kwila ngamuximana oukamba wami ni Jihova?’ Okuzola kyavulu Tat’etu ya dyulu, kwandatukwatekesa phala kitubhange ima yayibhila mwene.—Jis 97:10.

TALA O VIDYU LANGA O UKAMBA WE NI JIHOVA (Ko 3:5), MUKUSULUKA TAMBWIJILA O IBHWIDISU YAKAYELA:

• Olwimbi kima kyahi?

• Mukonda dyahi kitutokala kukala ni lwimbi ni kubheza iteka?

• Kyebhi o kutaphanda ni kubheza iteka endela bhwamoxi?

• Mukonda dyahi oyo ala ni kikalakalu kyadikota mu kilunga kya Nzambi atokala kulanga kyambote oahatu wâ?