MUKONDA DYAHI KIMA KYAMBOTE KUBHANGA KIKI: Kala o jifalamenda ja mukwa, o ukexilu wa kubhanga ukamba bhu kaxi ka internete, sayi ithangana i tena ku tu kwatekesa, mba ku tu zozesa. Sayi Jikidistá ka xikina kubhanga makamba mu internete mba kukalakala ni ji redes sociais. O jiphange ja mukwa a kalakala ngó ni internete phala kuzwela ni jindandu mba makamba. Maji-phe o Dyabhu wa mesena kwila tu kalakala ni internete mu ukexilu wa yibha, phala ni tu xidise o dijina dyetu, ni tu zoze mu nzumbi mba kuzanga o ukamba wetu ni Jihova. Kala kya bhange Jezú, etu we tu tena kwijiya o mibhetu, ni ku i lenga, se tu belesela o Itumu ya Mak’a Nzambi.—Lu 4:4, 8, 12.

MIBHETU I TWA TOKALA KUDITUNA:

• Kukala thembu yavulu mu internete. O kungastala ola javulu mu internete mu kuzwela ni athu, ku tena ku tu bhangesa kukala sé thembu ya kubhanga o ima mu nzumbi.

  Itumu ya Bibidya: Ef 5:15, 16; Fi 1:10

• Kutala ima ya yibha. O kutala o jifoto ji tena ku tu bhangesa kukala ni jihanji ja yibha, ku tena ku tu bhangesa kutala o ufusa ni kubhanga undumbu. O kutanga o milongi ya akwa kubalukila Nzambi (apóstatas), ji blogs mba páginas, ku tena kuta o kixikanu kyetu mu ilwezu. (o ji blogs kifwa yedi kala site ya muthu umoxi ngó, mwene u soneka-mu o ima yoso ya mesena phala o athu ku i mona).

  Itumu ya Bibidya: Mat 5:28; Fi 4:8

• Kutumikisa jifoto mba ji njimbu ja yibha. Kuma o muxima u bhomba kinene, u tena ku funyisa o muthu kuta jifoto ja yibha, ku tumikisa ji njimbu mba kubhana itambwijilu ya yibha mu internete. Kyenyiki, o kubhanga kiki ki tena kuxidisa o dijina dya muthu, mba kuzozesa o kixikanu kyê.

  Itumu ya Bibidya: Lo 14:13; Ef 4:29

TALA O VIDYU, ÁLUKA: LONDEKESA UNJIMU MU KUSOLA MAKAMBA MU INTERNETE, MU KUSULUKA XINGANEKA MU JIFOTO JA KAYELA: