MUKONDA DYAHI KIMA KYAMBOTE KUBHANGA KIKI: O kudilonga o Mak’â Nzambi mu ubheka, ku tu kwatekesa “kutongolola . . . o kukula, ni kulébha, ni kuzonga, ni kitala” kya Mak’â Nzambi. (Ef 3:18) Ku tu kwatekesa we kukala sé kikuma, né dixaka ku mundu yú “wa athu a bhengalala, ezala ni ituxi.” (Fi 2:15, 16) O kudilonga o Mak’â Nzambi mu ubheka, ku kwatekesa kala muthu mudyetu kusola o milongi ya bhindamena. Ihi i tu tena kubhanga phala kukatula mbote mu kithangana ki tu tanga ni kudilonga o Bibidya?

KYEBHI KI TU TENA KUBHANGA KIKI:

• Pindala o jivelusu ni kusoneka i wa dilongo mu kadélenu mba mu mutelembe wé

• Dibhange o ibhwidisu yiyi mu kutanga o Mak’â Nzambi: ‘Nanyi? Ihi? Thembu kuxi? Kwebhi? Mukonda dyahi? Kyebhi?’

• Ejiya kyebhi kya bhiti o ima. Mu kukalakala ni jifalamenda ja kutokwesa ji wala na-ju, tokwesa o maka mba milongi, mba velusu ya Bibidya

• Xinganeka mu ima i wa tange phala kumona kyebhi o maka a lungu we n’eye

• Kumbidila i wa dilongo mu kizuwa ni kizuwa ku mwenyu wé.—Lu 6:47, 48

TALA O VIDYU, SOTA O KUDILONGA MILONGI YA ZONGO YA BIBIDYA UBHEKA WÉ, MU KUSULUKA, TAMBWIJILA O IBHWIDISU YA KAYELA:

• Amoxi ambe kyebhi ya lungu ni kudilonga ubheka?

• Mukonda dyahi twa tokala kusamba ande dya kumateka kudilonga ubheka?

• Ihi i tena ku tu kwatekesa kutendela kyambote i twa tange mu Bibidya?

• Jikolo jebhi ji tu tena kuta mu Bibidya yetu kyoso ki twa mu dilonga?

• Mukonda dyahi kima kyambote kuxinganeka, kyoso ki twa mu dilonga o Mak’â Nzambi?

• Ihi i twa tokala o kubhanga ni ima i twa dilongo?