O Jiaudyu ja Bibidya ihi? O jiaudyu ja Bibidya o jingalavasá ya Bibidya Tradução do Novo Mundo. Jene amujingalavala bhofelebhofele mu madimi avulu. O kima kimoxi kikwatekesa mu jingalavasá jiji, o kwijiya kwila o jimbimbi kijadifu, kala muthu mu Bibidya ni mbimbi yê. Phala o athu kutendele o milongi sayi jimbandu o izwelu a itanga dingi ni mbimbi ya swina ni kutaku dingi o muxima.

Sayi amoxi amukatula kyebhi mbote mu kukalakala ni jiaudyu ja Bibidya? Avulu enemukwivwa ithangana yoso o jiaudyu ja Bibidya, awabhela o ukexilu wakuta o muxima mu itangelu ya misoso ya Mak’â Nzambi. Ene amona kwila kuta kala muthu mu misoso ya Bibidya ni dizwi dyê kikwatekesa dingi kuxinganeka mu ima yamubhita ni kutendela kyambote o yosoneke mu Bibidya. (Ji 4:5) Avulu atonginina kwila o kwivwa o jiaudyu ja Bibidya ya akwatekesa kutululuka kyoso ene kyexile ni hele yavulu.—Jis 94:19.

O kwivwa o kitangelu kya Maka a Nzambi mu dizwi dya swina kitena kutula dingi kumuxima. (2Mal 34:19-21) Se o jiaudyu ja Bibidya jikala mu dimi di utendela kikale mbandu mba mu Bibidya ya muvimba, ihi i ubanza se yene ibhanga mbandu ya kifwa kyé kya kizuwa ni kizuwa mu kwivwa o jiaudyu ja Bibidya?

TALA O VIDYU NGALAVASA YA AUDYU YA BIBIDYA—MBANDU YA VIDYU, MUKUSULUKA TAMBWIJILA O KIBHWIDISU KYAKAYELA:

Kima kyahi kikuwanenesa dingi yalungu ni jingalavasa ja audyu ya Bibidya?