WENDELU WA UKIDISTÁ

O Kwila Eye Wala Polondo Phala Kudibhana ni Maka a Kukamba Kitadi?

BUETA

Etu kitudiwana dingi kyoso kitumona kwila sayi jixi mwala wadyama wavulu. Mukonda dyahi? Mukonda etu twala mu izuwa isukidilaku, ni kwila o Bibidya itudimuna kwila kitwatokala kudyelala mu “jimbongo jâ jamakutu.” (1Ti 6:17; 2Ti 3:1) Ihi itutena kudilonga ni phangu ya Jozafate yakudisokejeka phala o kithangana kya wadyama mba wakukamba kitadi?

Kyoso Jozafate kyamukusu ku ifuxi ya jinguma, mwene wadyelele kwa Jihova. (2Mal 20:9-12) Ni kithangana kyasoko, Jozafate wasokejeka o masoladi mê, wasoto kukolesa o Ilunga ya jimbanza. (2Mal 17:1, 2, 12, 13) Kala Jozafate, etu we twamesena kudyelela kwa Jihova, ni kusota kusokejeka o ima, phala kudibhana ni kithangana kyabhonzo kyanda kwiza kupholo.

IHI ITUTENA KUBHANGA PHALA KUDIBHANA NI MAKA A KUKAMBA KITHADI?

Dipelepalale mu nzumbi: Dilonge kusanguluka ni ima iwala nayu, kolesa o kidyelelu kyé kwa Jihova, kya kwila mwene wala ni kutena kwa kukubhana o ima iwandabhindamena mu kizuwa ni kizuwa. (Mat 6:26; 1Ti 6:8) Kala polondo phala ki ubhukumukine o itumu ya Bibidya, phala kubhanga o jivonda jé jaxitu. (Lo 2:21) Xinganeka kyebhi ki utena kusuluka mu kudidikila mu nzumbi, se ukamba mukengeji ni internete. Kala ni madivulu mu ukexilu wa jipapela, kala we ni madivulu mu ukexilu wa dijitale ni kithangana kya soko.

Dipelepalale mu xitu: Kana kubhanga makongo avulu, kana kuzangazanga kitadi, ande dya kumoneka maka alungu ni kukamba kitadi. (Ji 22:7) Se kibhana, bhanga yoso phala kubhaka makudya ni ima yakamukwá. Sayi yá amona kwila kima kyambote kubhanga kadíbhya, o kiki kyanda mukwatekesa kupopeka kitadi.

TALA O VIDYU KYEBHI KI TU TENA KU DI PELEPALALA PHALA KUDIBHANA NI MAVUWA? MUKUSULUKA TAMBWIJILA O IBHWIDISU YAKAYELA:

Ihi itutena kubhanga kala muthu mudyetu, phala kudibhana ni mavuwa?

Your answer

Kyebhi kitutena kudipelepalala phala kukwatekesa akwetu?

Your answer

UKEXILU WA UKIDISTÁ NI UKUNJI WETU–MILONGI PHALA O YÔNGE