Mivu ioso, tuene mu kala ni jifesa ja makota, o iônge ia makota i tu sangulukisa ni ku tu suínisa. Phala athu oso kumona o henda ia Jihova, tua-nda kuixana athu avulu phala kukala n’etu mu kiônge. (Jis 34:8) O tufunga, a-nda bhanga ioso phala kubhana o tumikanda.

• O kiônge kiami, kia-nda bhita kizuua kiebhi?

• O tumikanda, a-nda mateka ku tu bhana kizuua kiebhi?

• O iônge ia kuboka ia-nda bhita kuebhi?

• Mbambe jebhi ji nga mesena o kusuua, mu kubhana o tumikanda?

• Nanhi nga-nda mu bhana o kamukanda?

Kioso ki u menekena, ua tokala kuzuela:

“Tua mu bhana o tumikanda tutu, phala kuia mu kiônge kia dikota. O kamukanda kaka, ka londekesa o kithangana ni kididi, mua-nda bhita o kiônge. Bhanga ioso, phala kuia mu kiônge kia dikota.”

Sumbala tua mesena kuixana athu avulu, phala kuia mu kiônge kia dikota, tua tokala kubhanga ioso phala kusuínisa o athu a mesena kudilonga.

Mu sukilu dia semana, bhana o madivulu ni kamukanda.