Phaulu ni Sila a ximanene Nzambi bhu kaxi ka mimbu, kioso kia kexile mu kaleia. (Ik 16:25) Mu izuua ietu, o jiphange jetu embi mimbu ia Utuminu kioso kia kexile mu kaleia a k’exana Sachsenhausen, kiene o kididi mua kexile mu kutila o athu ku ji Nazi mu ixi ia Alemanha ni kioso kia kexile mu Sibéria. O jiphangu jiji, jilondekesa o kutena kuala na-ku o mimbu, ia kusuinisa o Jikidistá kioso kia dibhana ni ibhidi.

Kua kambe ngó bhofele, o madimi a mukuá a-nda kala kiá ni divulu dia ubhe dia mimbu, ni diambu “Cante de Coração” para Jeová. Kioso ki tua-nda kala ni divulu dietu, tua-nda tena ku ngalavala o mimbu mu mutué uetu, maji kiki ki bhita ngó se tu di sokejeka mu ubhezelu ku muiji. (Ef 5:19) Mu kusuluka, o nzumbi ikola ia-nda tu kuatekesa kulembalala o mimbu, kioso ki tua-nda dibhana ni izukutisu. O mimbu ia Utuminu i tu kuatekesa kuxinganeka mu kidielelu kietu mba ku hádia. O mimbu i tena ue ku tu kuatekesa kioso ki tua mu dibhana ni ibhidi ku muenhu. Ni kioso ki tuala kiambote, o mimbu i tu kuatekesa ue o kuimba ni muxima uoso mukonda dia ukexilu uambote ua muxima uetu. (1Mal 15:16; Jis 33:1-3) Mu kiki, etu enioso tua tokala kubhanga nguzu phala kuimba o mimbu ia Utuminu!

TALA O VIDIU, MUIMBU U TU SUINISA. MU KUSULUKA, TAMBUIJILA O IBHUIDISU IA KAIELA:

• Ithangana iebhi ia bhangesa Phange Frost kusoneka o muimbu?

• Kiebhi o muimbu iú ua kuatekesa o jiphange ja kexile mu kaleia ka Sachsenhausen?

• Mu ithangana iebhi ia kizuua ni kizuua, o mimbu ia Utuminu i tena ku kukuatekesa?

• Mimbu iebhi i ua uabhela dingi?