Jakobo wejidile kwila Jihova mwéne ngó a tokala ku mu bheza, sumbala Jihova ka bhanene hanji o kitumu kifidisa o ubhezelu wa iteka. (Ma 20:3-5) Mu kiki, kyoso Jihova kya mu tumina kuvutuka ku Betele, Jakobo wa tendelesa o athu oso a kexile nawu phala kutexi o iteka yâ yoso. Mu kusuluka Jakobo wa bwika o iteka, kate mwene ni jibixa, nange a kexile mu jita kala kima phala kudilanga ku wanga. (Di 35:1-4) Sé phata, Jihova wa wabhela o kima kya bhange Jakobo.

Mu izuwa ya lelu, kyebhi ki tu tena kubheza ngó Jihova? Tu bhanga kiki, mu kudituna o ubhezelu wa iteka ni wanga. Kiki kya lungu ni kubwika kabasa kima kya lungu ni wanga ni kutonginina kyambote o ima i tu tala mu mutelembe wa izunzumbya. Mu kifika, dibhwidise: ‘O kwila nga wabhela madivulu mba jifilime ja jivampiru, jinzumbi ni ja madimonyo? O kwila sayi ima i ngi tala ya lungu ni wanga, ipheteka ngi mona kala ki ya yibha?’ Twa tokala kweha kubhanga o ima ya zembe Jihova.—Jis 97:10

TALA O VIDYU,“ZOKENU NI DYABHU,” MU KUSULUKA TAMBWIJILA O IBHWIDISU YA KAYELA:

• Maka ebhi a moneka ku mwenyu a dixibulu dya Bibidya a mwixana Phalasa?

• Se ndandu mba dixibulu dyé dya Bibidya wa dibhana ni maka a lungu ni wanga, mukonda dyahi unjimu kusota o kikwatekesu kya tufunga?

• Se twa mesena kwila Jihova u tu langa ima yebhi i twa bhingi kuxisa?

• Kima kyahi kya solo kubhanga Phalasa?

• Mu dyembu mu wa tungu, ebhi o mawukexilu a kulenga o kifunyisu kya madimonyo?