Ohenda odijikita dikwatekesa omiji kudizukama dingi. Sé ohenda kubhonza kyavulu omwiji kudikwatekesa mudyâ ni kukala ni ixinganeku imoxi. Kyebhi o anumi, ahatu ni jitata kyatena kulondekesa ohenda kumwiji?

Omunumi wahenda wandaxinganeka o ibhindamu, o ibanzelu ni kyebhi kyadivwa o muhatu wê. (Ef 5:28, 29) Mwene wandadikila o ibhindamu yamwiji muxitu ni munzumbi bhukaxi ka Ubhezelu ku Mwiji. (1Ti 5:8) Omuhatu wahenda ubelesela munumye umulondekesa ‘okuxila.’ (Ef 5:22, 33; 1Ph 3:1-6) Kyadi kya atokala kudiloloka ni muxima woso. (Ef 4:32) Jitata jahenda jilondekesa kwila azolo otwana twâ, ni kwalonga kuzola Jihova. (Mate 6:6, 7; Ef 6:4) Ibhidi yebhi yene mudibhananayu otwana twé muxikola? Kyebhi ene kyamudibhana ni ijijidiku ya unzangala? Se ohenda kumwiji ivula, enoso andadivwa kyambote.

TALA OVIDYU LONDEKESA O HENDA KI IBHU KU MWIJI WÉ, MUKUSULUKA TAMBWIJILA OBHWIDISU YAKAYELA:

• Kyebhi odiyala dya henda kyatalatala omuhatu wê?

• Kyebhi omuhatu wa henda kyalondekesa kwila uxila mwadi wê?

• Kyebhi ojitata jahenda kyalonga o Mak’â Nzambi kutwana twâ?