Okibazelu kyalungu ni kubhana itendelesu ni kulonga, Jihova utubazela phala tumubheze mu ukexilu watokala. (Lo 12:1; Jih 12:10, 11) Sayi bhabha kubhonza kuxikina o kibazelu, maji kyene kibhekela kuyuka ni mabesá. (Ji 10:7) Ihi yatokala kwijiya yó ubazela ni yó amubazela?

Yó ubazela. Tufunga jitata ni athu amukwa ene mubazela ni henda kala kyene mubhanga Jihova. (Je 46:28) Né mwene se kubhinga kubhana kibazelu kyadikota, kala kyatokala okibhindamu kya muthu, atokala kukibhana ni henda.—Ti 1:13.

Yó a abazela. Kabasa ukexilu wakutubazela, kitutokala kudituna maji twatokala kuxikina. (Ji 3:11, 12) Kuma twa akwa ituxi, etwenyoso abhingi kutubazela mumawukexilu avulu. Atena kutubazela bhukaxi ka ima itutanga mu Bibidya mba mu ima itwivwa muyônge. Sayi ithangana amoxi abhinga kwabazela kukibuka kya tufunga kya kufundisa. Kuxikina okibazelu ni kukumbidila okitendelesu kyatubhana, kutuzediwisa kindala, okuhádya twandatambula mwenyu wakalelaku.—Ji 10:17.

TALA OVIDYU “JIHOVA WOSO WAMUZOLA UMUBAZELA,” MUKUSULUKA TAMBWIJILA O IBHWIDISU YAKAYELA:

• Kyebhi kyexile o mwenyu wa phange Canon kudimatekenu? Kyebhi kiwalunguluka?

• Kyebhi Jihova kyamubazela?

• Omusoso wa phange Canon utulonga ihi?