Kuzwela ni kuswina kubhangesa akwetu kudivwa kyambote. Setuzwela ni kuswina, o athu andabhana matwi mu ima itwandazwela. Kiki kilondekesa we kwila, tubhana valolo mumaka utwamuzwela. Sumbala ni ukexilu watusase ni idifwa yetu, tutena kuzwela ni kuswina. (Lo 12:11) Kyebhi kitutena kubhanga kiki?

Kyadyanga, xinganeka ovalolo yamaka uwamuzwela. Eye wala ni ujitu ‘wakuboka onjimbu yambote!’ (Lo 10:15) Kayadi, xinganeka kyebhi ki utena kukwatekesa ojingivwidi jé bhukaxi kanjimbu yambote. Ene abhindamena kyavulu kwivwa o ima iwalanayu phala kwatangela. (Lo 10:13, 14) Kudisukilu, zwela ni kuswina, bhanga ijimbwete yatokala. Opholo yé yatokala ilondekesa okisangusangu kiki.

TALA OVIDYU SANGULUKA MUKUBHANGA MAXIBULU—BANDEKESA O UHETE WÉ—KUZWELA NI KUSWINA MUKULONGA MUKUSULUKA TAMBWIJILA O IBHWIDISU YAKAYELA:

• Ihi yazozesa okuswina kwa Nita, kwakulonga o Bibidya kwa Jade?

• Ihi yabandekesa okuswina kwa Nita?

• Mukonda dyahi kima kyambote kudikwatenena mu idifwa yambote ya athu utwene mudilonganawu?

• Kyebhi okuswina kwetu kutena kukwatekesa omaxibulu metu a Bibidya ni athu amukwa?