WENDELU WA UKIDISTÁ
Langa o Jihanji Jé
Kuma tu akwa ituxi, twatokala kubhanga jinga nguzu phala kulanga o jihanji jetu. Se tubhanga o kima kitwamesena, kitwandakala ni ukamba ni Jihova. Mukifika, sayi athu azolo dingi o kudya, izwatu, kukala ni jinzo jafwama, Nzambi ndenge. Amukwa abhukumukina o itumu ya Nzambi mukudita mu undumbu ni mu ufusa. (Lo 1:26, 27) Amukwa hanji ehela akwa kwafunyisa kubhanga o ima yayibha mukonda amesena kwila o athu a awabhela mba a axikina.—Ma 23:2.
Kyebhi kitutena kulanga o jihanji jetu? Twatokala kubhanga yoso itutena phala kubhanga o ima isangulukisa Jihova. (Mat 4:4) Twabhingi we kudyonda kwa Jihova phala kutukwatekesa kulanga o jihanji jetu. Mukonda dyahi? Mukonda mwene wejiya o ima yabetakota phala etu, mwene wejiya kyebhi kitutena kujibha o jihanji jetu mu ukexilu watokala.—Jis 145:16.
TALA OVIDYU KANA KWEHELA O UKEXILU WAKUBWAKULA KUKUBWIKISA, MU KUSULUKA TAMBWIJILA O IBHWIDISU YA KAYELA:
-
Mukonda dyahi sayi athu enemubwakula?
-
Ilwezu yebhi ijila mukubwakula?
-
Mukonda dyahi o kubwakula makanya ni kubwakula bhukaxi ka jimakina kima kyayibha?—2Ko 7:1
-
Eye utena kutolola o vondadi ya kubwakula!
Kyebhi ki utena kudituna kubwakula mba kweha o ukexilu yú?
