Phala kusangulukisa Nzambi, o maxibulu a Bibidya atokala kukala ni kixikanu kyakolo. (Jih 11:6) Tutena kubhanga kiki mukubhixidisa o njimbu ku mixima yâ mukukalakala ni divulu Sanguluka Katé Kuhádya ni Hádya!. Mu divulu didi mwala jivelusu jatokala, ibanzelu yabhebhuluka, ibhwidisu itula ku muxima, jividyu jiswinisa o jingivwidi ni jifoto jafwama. Mukukwatekesa o maxibulu metu kukala ni idifwa ya Jikidistá ni kubhanga ukamba ni Nzambi, kifwa twamutunga inzo ibhuluka ku tubhya.—1Ko 3:12-15.

Sayi athu axinganeka kwila kubhonza o muthu kukala dikamba dya Nzambi, mukonda katena kumumona. Kyenyiki twabhingi kwakwatekesa kwijiya Jihova ni kumudyelela.

TALA O VIDYU KOLESA O KIXIKANU KYÉ KWA JIHOVA BHUKAXI KA DIVULU “SANGULUKA KATÉ KUHÁDYA NI HÁDYA!” MU KUSULUKA TAMBWIJILA O IBHWIDISU YA KAYELA:

• Kyebhi ki twejiya kwila o phange yamuhatu wadisokejeka kyambote phala kulonga o dixibulu?

• Kyebhi o kubhanga dingi ibhwidisu yabhangesa o dixibulu kuzwela yamukexile ku muxima yalungu ni divulu dya Izaya 41:10, 13?

• Kyebhi o vidyu ni jivelusu ja Bibidya jakwatekesa o dixibulu kuzwela yoso yamukexile ku muxima?

Athu avulu katendela o valolo yasata ya kukula, mba ka itala kala ujitu wa Nzambi phala muthu ni muthu. (Ng 2:20) Mu kiki, twatokala kwakwatekesa kukala ni kixikanu mu sata ya kukula ya Jezú.

TALA O VIDYU KOLESA O KIXIKANU KYÉ KWA JEZÚ BHUKAXI KA DIVULU “SANGULUKA KATÉ KUHÁDYA NI HÁDYA!” MU KUSULUKA TAMBWIJILA O IBHWIDISU YA KAYELA:

• Kyebhi ki twejiya kwila o phange yadiyala wadisokejeka kyambote phala kulonga o dixibulu?

• Kyebhi mwene kyakalakala ni mbandu “Tokwesa Dingi” phala kukwatekesa o dixibulu?

• Mukonda dyahi o kusamba kima kyambote phala o dixibulu?