Kyoso kituya ni kuzukama kudisukilu dya mundu yú, etu twandadibhana ni maka mu ixi yetu, ita yandadibandekesa ni ujibhanganga. (Dij 6:4) Kyebhi kitutena kudipelepalala phala o ibhidi yandabhita kuhádya?

• Kala pondo phala kukolokota mu ufiyele wé: Sota jivelusu ja Bibidya ni misoso yandakolesa o kidyelelu kyé kwa Jihova ni ku kilunga kyê ni ku kukwatekesa kudituna kubhanga mbandu kumaka a jinguvulu. (Ji 12:5; jr-T 125-126 §23-24) Kindala kyene o kithangana phala kukolesa o ukamba wé ni jiphange mu kilunga.—1Ph 4:7, 8

• Sota kubhaka o ima iwandabhindamena phala kukala kumwenyu: Xinganeka kididi mu utena kuswama ni kukala ni kudya kwasoko se ki utunde kubhata. Xinganeka we mu ima iwandabhanga se kubhinga kuxisa o dibhata dyé. Tonginina jinga o ima yala mu mbwenga yé yakulengela nayu, ni ima kala jiluva, jimaskara ni kitadi. Kala ni mixinda ya tufunga, sota we kwijiya kyebhi ene kyatena kukuxinda mba kukusanga.—Iz 32:2; g17.5-T 3-7

Kyoso kikumoneka kavwanza mu ixi suluka jinga mukubhanga o ima ikolesa o ukamba wé ni Jihova, kala kusamba, kudilonga ni kuya muyônge. (Fi 1:10) Kala mukididi kimoxi, utundaku ngó se kubhinga mwene. (Mat 10:16) Bhana kudya ni ima yamukwa ku akwenu.—Lo 12:13.

TALA OVIDYU KYEBHI KI TU TENA KU DI PELEPALALA PHALA KUDIBHANA NI MAVUWA? MUKUSULUKA TAMBWIJILA O IBHWIDISU YAKAYELA:

• Kyebhi Jihova kyatena kutukwatekesa mu kithangana kya mavuwa?

• Ihi itutena kubhanga kindala phala kudipelepalala?

• Kyebhi kitutena kukwatekesa akwetu abhiti mu mavuwa?