Jezú mu ukunji wé watumbula izulukutu yexile mubhita mu izuwa yenyoyo, phala kulonga madisá. (Lu 13:1-5) Eye mu ukunji wé utena kutumbula izulukutu ibhangesa o athu kumesena kwijiya yalungu ni njimbu ya Utuminu. Kyoso kiwandazubha kutumbula o maka alungu ni kukamba kitadi, mavuwa, maka ku jinguvulu ni athu anwa jidroga, mba ima kala yiyi, bhanga ibhwidisu ibhangesa o muthu kuxinganeka. Eye utena kubhanga ibhwidisu yiyi: “Ihi i ubanza, o kwila twandatena kumona o disukilu dya . . . ?” mba “Mu dyé, nanyi utena kuzubha o . . . ?” Mukusuluka tangane velusu ya Bibidya yalungu ni maka enya. Se muthu wamesena kwijiya dingi, mulondekese vidyu mba kadivulu katokala ku Jifalamenda Jetu ja Kulonga. Kyoso kituya ni kubhanga nguzu phala kubhixidisa o njimbu yambote ku mixima ya athu mu mbambe yetu, tutena kubhanga “ima yoso yiyi, . . . mukonda dya njimbu yambote.”—1Ko 9:22, 23.

Ima yebhi yawabhela dingi o athu mu mbambe yé?