6-12 ya Kasambwadi
JISÁLAMU 36-37
Mwimbu wa 87 ni Musambu | Izwelu Phala Kumateka (Kithan. 1)
1. “Kana Kuluwala Mukonda Dya Athu Abhanga Kyayibha”
(10 ithan.)
O ibhangelu ya athu ayibha yene mutubhekela hadi yavulu ni malamba ku muxima (Jis 36:1-4; w17.04 11 §4)
Se tukala ni njinda mukonda dya ibhangelu ya “athu ayibha,” o njinda yiyi itena kutubhanga ngo kyayibha (Jis 37:1, 7, 8; w22.06 10 §10)
Kyoso kitudyelela mu ikanenu ya Jihova tukala ni kutululuka (Jis 37:10, 11; w03-T 1/12 13 §20)
DIBHWIDISE, ‘O kwila ngi thandanganya kyavulu mu kumona o jinjimbu jalungu ni usweya yene mulondekesa ku mitelembe?’
2. Tokwesa Omilongi ya Bibidya
(10 ithan.)
-
Jis 36:6—Ihi yamesenene kuzwela o mukwa jisálamu kyoso kyambe, o kuyuka kwé kwasoko ni “milundu yamakota”? (it-2-T 410)
-
Ihi iwadilongo mukitangelu kya Bibidya kyasemana yiyi i wamesena kuzwela ku akwenu?
3. Kitangelu Kya Bibidya
(Ithan. 4) Jis 37:1-26 (th milongi ya 10)
4. Kumateka Kuzwela ni Muthu
(Ithan. 3) NZO NI INZO. (lmd disá 1 pondo 5)
5. Kukunda Dingi o Muthu
(Ithan. 4) KUBHANA UMBANGI KYOSO KIKUMONEKA KITHANGANA. Mateka kulonga o Bibidya ku muthu m’ukulu kaxikinine kudilonga. (lmd disá 9 pondo 4)
6. Diskulusu
(Ithan. 5) ijwbv 45—Dyambu: Dyebhi o Dilombolwelu Dya Sálamu 37:4? (th milongi ya 13)
Mwimbu wa 33
7. Eye Wala Polondo Phala Kudibhana ni “Ithangana Yabhonzo”?
(15 ithan.) Mbandu ni jingivwidi.
Mukonda dya mavuwa mba ibhidi yene mubhekela o athu, jiphange javulu jamala ni jahatu ku mundu woso amutala hadi yavulu mu kufunda jindandu jakazola ni kudibhotesa o jimbote. (Jis 9:9, 10) Kuma twala mu “ithangana yabhonzo,” etwenyoso tutena kudibhana ni ima yiyi, twabhingi ngo kukala polondo phala kudibhana ni ibhidi.
Tutena kudipelepalala mukusokejeka o imbamba yandatukwatekesa kubhuluka se kwiza mavuwa, a ihi itena kutukwatekesa kyoso kikubhita mavuwa?
-
Pelepalala o muxima wê: Xikina kwila o mavuwa atena kubhita, kyenyiki xinganeka se ihi wanda bhanga se kiki kibhita neye. Kana kuzola kyavulu o jimbote jiwala naju. Kiki kyanda kukwatekesa kusola ni unjimu, mu kithangana kyabhonzo wanda sola kubhulula o mwenyu we ni mwenyu wa akwetu mu veji dya kuthandanganya ni jimbote. (Di 19:16; Jis 36:9) Ku mbandu yamukwa, se kudikwatenena kyavulu ku jimbote, eye wanda tena kudibhana kyambote se jene joso jidibhotesa ku mavuwa.—Jis 37:19
-
Dipelepalale mu nzumbi: Kolesa o ukamba we ni Jihova, kolesa o kidyeleelu kyé kwa Jihova kya kwila mwene wala ni kutena kwa kukulanga. (Jis 37:18) Ande dya kubhita ku mavuwa lembalala jinga kwila Jihova wanda langa ni kwendesa o mundu wê ne mwene se tuxala ngo ni mwenyu wetu, kuma yene o ‘mbole yetu kwosokwoso ku tuditexila.’—Je 45:5; Jis 37:23, 24
Kyoso kitudyelela ni muxima woso kwila Jihova wanda kumbidila o ikanenu yê yoso, tumumona kala o “kimbaka kyetu mu thembu ya jiphaxi “—Jis 37:39
Xika o VIDYU Eye Wala Polondo Phala Kudibhana ni Mavuwa? Mukusuluka ebhwidisa o jiphange:
-
Kyebhi Jihova utena kutukwatekesa mu kudibhana ni ithangana yabhonzo?
-
Ihi itutena kubhanga phala kudipelepalala?
-
Kyebhi kitutena kukwatekesa yo abhita mu mavuwa?
8. Milongi ya Bibidya mu Kilunga
(30 ithan.) bt kib. 9 §8-16