O kadivulu Ívua Nzambi a ka bhange phala kulonga milongi ia bhebhuluka ia Bibidia, benge benge phala ió kejiia kutanga ni ió kejiia kutanga kiambote. Kala disá dia mbandu jiiadi, a di pelepalala ni jifoto ja iuka, jala ni ilondekesu mba kijimbuete phala kuidikisa o foto ia kaiela-ku.

O kadivulu Ívua Nzambi ni u Kale ku Muenhu, kala ni jifoto ja difu ni jala mu kadivulu Ívua Nzambi, maji o kadivulu kaka, kala ni isoneku iavulu i u tena kutanga ni dixibulu kejiia luua kutanga kiambote ni kusoneka. O aboki a uabhela kulonga ni kadivulu kaka, maji o dixibulu u kuata o kadivulu Ívua Nzambi. Sai jimbandu kuala jikaxa jala ni milongi io bandekese, o muboki u tena ku i jimbulula ku dixibulu se ua mu tendela kiambote.

Eie u tena kubhana o kadivulu kaka kabasa kithangana, né muene se ki kene o kadivulu ka mu bhana mu mbeji. Se ua mu longa o Bibidia ni kadivulu kaka, londekesa o jifoto phala kulombolola o ibatulu ia Bibidia. Bhanga ibhuidisu i kuatekesa o dixibulu kuzuela, phala kumona se o dixibulu ua tendela. Tanga ni kujimbulula o ibatulu ia Bibidia i moneka ku luiji dia disá. Kioso ki mua-nda zubha o kadivulu kaka, dilonge-nê o divulu Ihi i Longa o Bibidia? mba Ihi i Tu Longa o Bibidia? phala ku kuatekesa o dixibulu ku di batizala.